2 Rwa 10:6 - Labib An Kreol Seselwa

⁶ Zehou ti ekri zot en dezyenm let dan lekel i ti dir: Si zot lo mon kote, si zot pare pour obei mwan, koup likou bann garson ou met, e vin kot mwan Zizreel demen bomaten, menm ler. Dan sa letan, sa 70 garson lerwa ti kot bann dimoun enportan dan lavil ki ti responsab zot ledikasyon.

2 Rwa 10:6 ပူးပေါင်းရင်းမြစ်များ

2 Rwa 10:5

Alor, sa ki ti ansarz pale, gouverner lavil, ansanm avek bann ansyen ek bann titer, ti anvoy dir Zehou, “Nou ou bann serviter; nou pou fer tou sa ki ou ava demann nou. Nou pa pour fer personn vin lerwa; fer tou sa ki ou krwar i bon.”

2 Rwa 10:7

Kan zot ti resevwar sa let, zot ti pran sa 70 garson lerwa e touy zot. Zot ti met zot latet dan bann pannyen e anvoy Zizreel, kot Zehou.

2 Rwa 10:9

Lannmen bomaten, i ti sorti, e prezant li devan lepep antye. I ti dir, “Zot inosan. Mwan ki ti fer konplo kont mon senyer, e ki'n touy li; me lekel ki'n touy tousala?

2 Rwa 9:32

I ti lev latet ver lafnet e dir, “Lekel ki avek mwan? Lekel?” De ou trwa zonm konfyans ti get li.

Liv Zob 21:19

zot dir ki Bondye i pini bann zanfan dan plas zot papa. Sa papa menm ki devre ganny pini pour donn li en leson.

Nonm 25:4

SENYER ti dir Moiz, “Pran tou bann sef Izrael, pann zot devan SENYER an fas avek soley. Apre, sa gran lakoler SENYER ava tonbe.”

Matye 12:30

Sa enn ki pa avek mwan i kont mwan. Sa enn ki pa rasanble avek mwan i disperse.

Levanzil dapre Lik 9:50

Me Zezi ti dir li, “Pa anpes li, akoz sa enn ki pa kont ou i avek ou.”

Deterononm 5:9

Ou pa pou prostern devan zot ni ador zot. Mwan SENYER, ou Bondye, mon en Bondye zalou. Mon pini bann zanfan pour pese zot paran, ziska trwazyenm e menm katriyenm zenerasyon bann ki deteste mwan.