2 Rwa 1:2 - Labib An Kreol Seselwa

² Akazya ti'n tonm par lafnet lasanm letaz dan Samari e i ti'n ganny blese. Alor, i ti anvoy son bann mesaze dir zot, “Al konsilte Baal-Zeboub, bondye Ekronn, pour konnen si mon pou byen.”

2 Rwa 1:2 ပူးပေါင်းရင်းမြစ်များ

1 Rwa 11:33

Sa i akoz i'n abandonn mwan e i al ador Astarte, bondye bann Sidonit, Kemos bondye Moab, ek Milkonm bondye bann Amonit. I pa'n mars dapre mon volonte, i pa'n fer sa ki byen devan mwan pour gard mon lalwa ek komannman parey son papa David.

1 Rwa 14:3

Anmenn avek ou dis dipen, en pe gato ek en po dimyel, e al kot li. I ava dir ou ki pou arive avek nou garson.”

1 Rwa 22:34

Me en zonm ti tir en kou par azar e i ti tap lerwa Izrael dan en kwen son lenz konba. Alor, i ti dir avek kondikter son kales, “Vire e anmenn mwan an deor laplenn konba, akoz mon'n ganny blese.”

1 Rwa 22:40

Akab ti mor e repoz avek son bann zanset. Akazya son garson ti vin lerwa dan son plas.

2 Rwa 1:16

I ti dir lerwa, “La sa ki SENYER i deklare: Ou'n anvoy bann mesaze pour al konsilte Baal-Zeboub, bondye Ekronn. Eski napa Bondye dan Izrael pour ou konsilte? Pour sa rezon, ou pa pou desann lo sa lili kot ou ete; ou pou mor.”

2 Rwa 1:3

Mesaze SENYER ti dir Eli, ki sorti Tisbit, “Leve, al zwenn bann mesaze lerwa Samari e demann zot: Eski napa Bondye dan Izrael, pour ki zot al konsilte Baal-Zeboub, bondye Ekronn?

2 Rwa 1:6

Zot ti reponn li, “En zonm ti vin zwenn nou. I ti dir nou: Retourn kot lerwa ki'n anvoy zot e dir li: La sa ki SENYER i deklare: Eski napa Bondye dan Izrael, pour ki ou anvoy konsilte Baal-Zeboub, bondye Ekronn? Alor, ou pa pou sorti lo sa lili kot ou ete; ou pou mor.”

2 Rwa 17:16

Zot ti'n abandonn tou bann komannman SENYER, zot Bondye. Zot ti'n fabrik de pti toro an metal; zot ti fer bann poto sakre, dor bann zetwal dan lesyel; zot ti osi ador Baal.

Liv Zob 31:3

Dezas pa i tonm lo sa enn ki enzis e problenm lo bann malfeter?

Kantik Salomon 2:9

Mon lanmoure i parey en gazel; mon lanmoure i parey en zenn serf. La i la! I pe debout deryer nou miray; i pe regard par lafnet, i pe get atraver bann griyaz.

Ezai 19:3

Bann Ezipsyen pou perdi lespri e dekouraze. Mon pou met dezord dan zot plan. Zot pou konsilte bann zidol, bann mazisyen, bann sorsye ek bann deviner.

Ezai 2:6

Desandan Zakob! Ou'n abandonn ou pep. Pei i ranpli avek mazik ek siperstisyon ki sorti dan Les, en kantite, parey kot bann Filisten; zot fer konpromi avek bann etranze.

Ezai 37:12

Eski bann bondye bann nasyon in delivre zot, sa bann nasyon ki lezot lerwa in detri: Gozann, Harann, Resef ek bann pep Edenn ki ti dan Telasar?

Ezai 37:19

Zot in bril zot bann bondye. An realite zot pa ti bann bondye, me travay fer par lanmen zonm avek dibwa ek ros. Alor, zot in ganny detri.

Matye 10:25

En disip i devre kontant pour vin parey son met, e en serviter parey son bourzwa. Si zot in apel Belzebil, sa enn ki sef lafanmir, a pli fort rezon, lezot manm son fanmir ava ganny ensilte.

Mark 3:22

Bann profeser Lalwa ki ti'n desann, sorti Zerizalenm ti dir, “I posede par Belzebil e se par sef demon ki i sas bann demon.”

Levanzil dapre Lik 11:15

Me de trwa parmi lafoul ti pe dir, “I sas bann move lespri par pouvwar Belzebil, sef demon.”

Akt de Zapot 20:9

Ti annan en zennonm ki ti apel Etikis, ki ti'n asiz lo bor lafnet. Pol ti kontinyen koze pandan lontan. Etikis ti ganny sonmey. I ti baskile e tonbe depi trwazyenm letaz. Zot ti ranmas li mor.

Zozye 15:11

Frontyer ti kontinyen lo lapant Nor lavil Ekronn; apre i ti tourn ver Sikeronn, pas par montanny Baala e abouti dan Yabneel, pour debous lo lanmer Mediterane.

Ziz 11:24

Pa ou annan pei ki Kemos, ou bondye in donn ou? Akoz nou, nou pa pou gard posesyon tou sa ki SENYER nou Bondye in donn nou?

Ziz 5:28

Depi lafnet i bese e i get anba; manman Sisera i get atraver griyaz: Akoz son kales lager i tarde arive? Akoz son kales lager pa roul vit?

1 Samyel 5:10

Alor, zot ti anvoy Kof Bondye Ekronn, me osito ki i ti ariv Ekronn, bann zabitan Ekronn ti met opozisyon. Zot ti kriye: Zot in anvoy Kof Bondye pep Izrael isi kot nou, zis pour fer nou ganny touye, nou avek nou pep.