2 Pyer 3:7 - Labib An Kreol Seselwa

⁷ Kanta lesyel ek later aktyel, zot in ganny prezerve par sa menm parol, pour zot ganny detri par dife plitar. Zot i'n ganny garde pour sa zour zizman kan bann malfeter pou ganny detri.

2 Pyer 3:7 ပူးပေါင်းရင်းမြစ်များ

Psonm 102:26

Tousala pou disparet. Me ou, ou reste pour touzour; Tou pou ize parey en lenz. Ou sanz zot parey en lenz e zot pou disparet.

Psonm 50:3

Nou Bondye pe vini, i pa pe gard silans. Devan li, en dife ki devor tou. Otour li, i annan en tanpet vyolan.

Ezai 51:6

Lev lizye, get lesyel, get later anba: Lesyel pou disparet parey lafimen; later pou tonm an lanbo parey en lenz e son bann zabitan pou mor parey mous. Me mon delivrans i asire e delivrans ki mon pe anmennen i pour touzour.

Ezai 66:15

Annefe, dan dife ki SENYER pe vini; son bann kales i parey en siklonn; pour satisfer son gran lakoler, i pini zot dan laflanm dife.

Danyel 7:9

Pandan ki mon ti kontinyen regarde, bann tronn ti ganny enstale. En Vyeyar ti asiz lo tronn. Son lenz ti blan parey lannez, son seve ti parey lalenn pir. Son tronn ti briye avek laflanm, bann larou tronn ti alimen parey dife.

Sofoni 3:8

La sa ki SENYER i deklare: Esper mwan! Espere zour mon leve pour akiz zot. Mon'n deside rasanble bann nasyon, bann rwayonm, pour fer zot santi pwa mon gran lakoler. Mon pou detri pei antye par dife mon lakoler terib.

Malasi 4:1

SENYER liniver i deklare: La sa zour pe arive. I pou so parey en dife kot tou bann arogan ek bann malfeter pou brile parey lapay. Sa zour, zot pou bril tou konpletman, san les ni rasin ni brans.

Matye 10:15

Mon dir zot, sa i laverite: Zour zizman, zabitan Sodonm ek Gomor, pou ganny trete mwen severman ki bann zabitan sa lavil.

Matye 11:22

Pour sa rezon, mon dir zot ki zour zizman, Tir ek Sidon pou ganny trete mwen severman ki zot.

Matye 11:24

Pour sa rezon, mon dir zot ki zour zizman, Sodonm pou ganny trete mwen severman ki zot.

Matye 12:36

Mon dir zot: Zour zizman, tou dimoun pou bezwen rann kont sak parol initil ki i'n dir.

Matye 24:35

Lesyel ek later pou disparet, me mon parol pa pou disparet.

Matye 25:41

Apre, lerwa pou dir avek bann ki lo son kote gos: Sorti kot mwan zot ki'n ganny modi! Al dan dife eternel ki'n ganny prepare pour dyab ek son bann lanz!

Mark 6:11

Si dan en landrwa, bann zabitan pa resevwar zot, ni ekout zot, kit sa landrwa. Sekwe lapousyer ki avek zot lipye: Sa i ava en temwannyaz kont sa bann dimoun.”

Levanzil dapre Zan 12:48

Sa enn ki rezet mwan e ki pa aksepte mon mesaz, i annan en ziz: Mon bann parol ki pou ziz li zour lafen lemonn.

Romen 2:5

Me ou pa oule konpran; ou refize sanze. Pour sa rezon, ou pe anmas lo ou, en pli gran pinisyon kan Bondye pou devers lo ou son lakoler ek son zizman ki zis. Sa zour,

1 Korentyen 3:13

travay sak zonm pou ganny revele zour zizman e son vre valer ava ganny rekonnet. Sa zour, dife pou teste travay sak dimoun; dife pou montre valer travay sak zonm.

Filipyen 1:28

Pa les zot ganny entimide par zot bann ladverser. Sa i ava pour zot en siny ki zot lo en semen ki anmenn ver zot destriksyon. Me pour zot, i ava en siny delivrans ki sorti kot Bondye

2 Tesalonisyen 2:3

Pa les personn tronp zot dan okenn fason. Sa zour pa pou arive avan ki sa gran revolt kont Bondye i arive e sa gran rebel i ganny revele. Avan ki sa lennmi ki'n ganny destinen pour destriksyon, i aparet.

1 Timote 6:9

Me bann ki oule vin ris, zot tonm dan tantasyon e dan pyez en kantite dezir fou e visye, ki plonz dimoun dan larin e provok zot maler.

Ebre 12:29

Annefe, nou Bondye i en dife ki devor tou.

2 Pyer 2:9

Sa i montre ki Senyer i konnen ki mannyer i pou delivre dimoun ki atase avek li kan zot dan difikilte, e gard bann malfeter pour pinisyon zour zizman.

2 Pyer 3:10

Pourtan, Zour Senyer pou arive koman en voler. Sa zour, lesyel pou disparet avek en gran fraka; bann zetwal pou fonn dan dife. Later avek tou aksyon bann zabitan, pou ganny zize.

2 Pyer 3:12

Letan zot pe esper sa zour, fer tou zot mye pour ki i vin pli vit. Sa zour la, lesyel pou alimen e ganny detri, e tou bann eleman pou fonn dan dife!

1 Zan 4:17

Si lanmour i parfe dan nou, nou annan sa konfyans pour zour Zizman, akoz nou lavi isi lo later i parey lavi Zezi-Kri.

Let Zid 1:7

Rapel zot osi, sa ki ti arive avek Sodonm, Gomor ek bann lavil dan zalantour. Zot bann zabitan ti fer parey: Zot ti livre zot lekor dan bann akt seksyel imoral, ek bann akt kont natir. Zot ti ganny pinisyon dife eternel. Sa i en lavertisman serye pour tou dimoun.

Revelasyon 17:11

Kanta sa bebet ki ti deza vivan, me ki nepli, li menm i en wityenm lerwa. Anmenmtan, i enn parmi sa set, e i pou ganny detri.

Revelasyon 17:8

Sa bebet ki ou'n war, ti deza vivan, me i nepli. I pou monte e sorti dan labim, me i pou al ganny detri. Bann zabitan later ki zot non pa ankor ganny ekri dan liv lavi depi avan kreasyon lemonn, pou etonnen war sa bebet, akoz i ti deza vivan e aprezan i nepli. Me i pou aparet ankor.

Revelasyon 20:11

Apre, mon ti war en gran tronn blan e sa enn ki ti pe asiz lo la. Later ek lesyel ti disparet devan li; ti napa plas ankor pour zot.

Revelasyon 21:1

Alor, mon ti war en nouvo lesyel ek en nouvo later akoz sa premye lesyel ek sa premye later ti'n disparet. Lanmer osi ti nepli egziste.