2 Pyer 3:2 - Labib An Kreol Seselwa

² Mazin bann parol ki bann sen profet in anonse, ensi ki bann komannman ki nou Senyer e Sover in donnen par zot bann zapot.

2 Pyer 3:2 ပူးပေါင်းရင်းမြစ်များ

Levanzil dapre Lik 1:70

Parey i ti'n anonse depi lontan par labous bann profet ki'n ganny konsakre pour li,

Levanzil dapre Lik 24:27

Alor, konmansan par Moiz ek tou bann profet, Zezi ti eksplik zot sa ki Lekritir in dir lo son size.

Levanzil dapre Lik 24:44

Apre, i ti dir zot, “Pa sanmenm sa ki mon ti dir zot kan mon ti ankor avek zot: Tou keksoz ki'n ganny ekri lo mon size dan Lalwa Moiz, dan liv bann profet e dan bann Psonm, i bezwen ganny akonpli.”

Akt de Zapot 10:43

Tou bann profet in koz lo li. Zot in dir ki sa enn ki krwar dan li pou ganny pardon son bann pese par pouvwar son non.”

Akt de Zapot 28:23

Zot ti fikse en randevou avek Pol. Sa zour, zot ti pli nonbre. Depi bomaten ziska aswar, Pol ti eksplike e anons zot Rwayonm Bondye. I ti konvenk zot konsernan Zezi, atraver Lalwa Moiz ek liv bann profet.

Akt de Zapot 3:18

Me Bondye in fer realize sa ki depi lontan i ti'n anonse par labous tou son bann profet, ki son Mesi pou soufer.

Akt de Zapot 3:21

Pour lemoman, Zezi-Kri i bezwen reste dan lesyel ziska letan i arive pour renouvle tou keksoz, parey Bondye in anonse depi lontan par bann profet ki pour Bondye.

Galat 6:2

Anmenn fardo kanmarad e zot ava obei lalwa Kris.

Efezyen 2:20

Zot osi, zot form parti sa konstriksyon ki annan bann zapot ek bann profet pour fondasyon, avek Zezi-Kri li menm koman premye pyer.

Efezyen 3:5

Dan letan pase, en tel sekre pa ti ganny kominike avek bann imen. Me par son Lespri, Bondye in aprezan revel li avek son bann zapot ek son bann profet ki'n ganny konsakre pour Bondye.

1 Timote 6:14

Obei bann komannman e reste konpletman pir e san repros, ziska ler nou Senyer Zezi-Kri ava retournen.

2 Pyer 2:21

I ti ava'n preferab si zot pa ti'n zanmen konn semen lazistis, si, apre ki zot in konnen, zot detourn zot avek sa sen komannman ki zot ti'n resevwar.

2 Pyer 3:15

Konsider pasyans nou Senyer koman en mwayen pour sov nou, parey nou frer Pol in ekri zot avek lasazes ki Bondye in donn li.

2 Pyer 3:16

Annefe, i koz lo sa size dan tou son bann let. I annan serten pasaz difisil pour konpran, ki serten dimoun inyoran san formasyon, i deform son sans. Zot fer parey avek lezot parti Lekritir. Sa i pour zot prop pert.

1 Zan 4:6

Me nou, nou pour Bondye, e sa enn ki konn Bondye i ekout nou. Me sa enn ki pa pour Bondye pa ekout nou. Konmsa menm ki nou kapab rekonnet ant Lespri Laverite ek lespri lerer.

Let Zid 1:17

Me zot, mon bann zanmi! Rapel zot bann parol ki zot in tande depi lontan par bann zapot nou Senyer Zezi-Kri.

Revelasyon 19:10

Alor, mon ti tonm ater dan son lipye pour ador li, me i ti dir mwan: Non, pa fer sa! Mon en serviter parey ou ek ou bann frer ki gard temwannyaz Zezi. Ador Bondye. Annefe, temwannyaz Zezi i lespri profesi.