2 Pyer 3:14 - Labib An Kreol Seselwa

¹⁴ Alor, mon bann zanmi! An atandan sa zour, fer tou zefor posib, pour ki Bondye i trouv zot pir, san defo e dan lape avek li.

2 Pyer 3:14 ပူးပေါင်းရင်းမြစ်များ

Matye 24:26

Alor, si zot dir ou: I laba dan dezer! Pa bezwen ale. Oubyen si zot dir ou: I dan lasanm! Pa bezwen krwar.

Matye 25:7

Alor, tou sa bann zenn fiy ti leve e prepar zot lalanp.

Levanzil dapre Lik 12:43

Ere sa serviter si son met i war li pe fer son travay kan i arive!

Levanzil dapre Lik 2:29

Senyer! Aprezan les mwan, ou serviter, kit sa later anpe dapre ou parol.

1 Korentyen 1:8

Li menm ki pou gard zot for e san repros, ziska lafen, pour sa zour nou Senyer Zezi-Kri.

1 Korentyen 15:58

Alor, mon bann zanmi! Reste ferm e solid. Montre touzour plis lentere pour travay Senyer, akoz zot konnen ki avek Senyer, zot travay pa initil.

Filipyen 1:10

pour zot kapab disern sa ki byen. Konmsa, zot ava pir e san repros zour retour Kris.

Filipyen 2:15

Konmsa, zot ava inosan, san repros, bann zanfan Bondye san defo parmi dimoun malonnet e move ki dan sa monn. Zot devre briye parmi sa bann dimoun, parey bann zetwal dan lesyel,

Filipyen 3:20

Me nou, nou bann sitwayen lesyel, ki pe esper avek enpasyans nou Sover, Senyer Zezi-Kri ki pou retournen sorti dan lesyel.

1 Tesalonisyen 3:13

I ava fortifye zot leker e rann zot sen e parfe devan Bondye nou Papa, pour sa zour ki nou Senyer Zezi ava retournen avek tou son bann ki i'n konsakre pour li. Amenn.

1 Tesalonisyen 5:23

Bondye ki donn lape, ava konsakre zot konpletman. I ava gard zot lespri, zot lekor ek zot et antye san repros pour retour nou Senyer Zezi-Kri.

1 Timote 6:14

Obei bann komannman e reste konpletman pir e san repros, ziska ler nou Senyer Zezi-Kri ava retournen.

Ebre 9:28

De menm, Kris i'n ofer son lekor en sel fwa pour detri pese en kantite dimoun: I pou aparet en dezyenm fwa, pa pour detri pese, me pour sov bann ki pe esper li.

Let Zak 1:27

La sa ki Bondye Papa i konsider koman en relizyon pir e san defo: Pran swen bann orfelen ek bann vev dan zot detres; pa les ou ganny sali par salte sa monn.

1 Pyer 1:7

Tousala i vin lokazyon donn vre valer zot lafwa, ki pli presye ki lor. Parey lor, malgre ki i kapab abimen kan i ganny teste par dife, zot lafwa i devre ganny teste pour montre son valer. Alor, i ava servi pour rann glwar, louanz ek loner Zezi-Kri, kan i pou ganny revele.

2 Pyer 3:1

Mon bann zanmi! Sa i dezyenm let ki mon ekri zot. Dan tou le de, mon'n fer zot rapel bann souvenir ki ava ed zot konpran.

2 Pyer 3:16

Annefe, i koz lo sa size dan tou son bann let. I annan serten pasaz difisil pour konpran, ki serten dimoun inyoran san formasyon, i deform son sans. Zot fer parey avek lezot parti Lekritir. Sa i pour zot prop pert.

1 Zan 3:3

Tou dimoun ki annan sa lesperans dan Kris i vin pir, parey Senyer li menm i pir.