2 Pyer 3:12 - Labib An Kreol Seselwa

¹² Letan zot pe esper sa zour, fer tou zot mye pour ki i vin pli vit. Sa zour la, lesyel pou alimen e ganny detri, e tou bann eleman pou fonn dan dife!

2 Pyer 3:12 ပူးပေါင်းရင်းမြစ်များ

Psonm 50:3

Nou Bondye pe vini, i pa pe gard silans. Devan li, en dife ki devor tou. Otour li, i annan en tanpet vyolan.

Ezai 24:19

Later pe ouver partou; later pe fann, later i tranble avek vyolans.

Ezai 34:4

Tou bann larme lesyel pe pouri. Lesyel in roul roule parey en liv. Tou son larme pou grennen parey fey rezen ki'n fletri, oubyen parey fey fig ki'n fletri.

Mise 1:4

Bann montanny pou fonn anba son lepa, e bann vale pou ouver. Zot pou fonn parey lasir devan dife, parey delo ki koule lo en lapant.

Matye 16:27

Annefe, Fis-de-Lonm pou vini dan mazeste son Papa avek son bann lanz. I pou rekonpans sakenn dapre son bann aksyon.

Matye 16:28

Mon dir zot, sa i laverite: Parmi bann ki isi, serten pa pou mor, avan ki zot war Fis-de-Lonm vini koman en lerwa.”

Filipyen 1:6

Mon sir ki Bondye ki'n konmans sa bon travay parmi zot, ava kontinyen fer li ziska ki i ganny konplete, zour ki Zezi-Kri ava retournen.

Let Pol pour bann Tit 2:13

Konmsa ki nou devre viv, an atandan sa gran Zour, kan laglwar nou gran Bondye ek nou Sover Zezi-Kri ava aparet.

2 Pyer 3:10

Pourtan, Zour Senyer pou arive koman en voler. Sa zour, lesyel pou disparet avek en gran fraka; bann zetwal pou fonn dan dife. Later avek tou aksyon bann zabitan, pou ganny zize.

2 Pyer 3:11

Akoz tou pou ganny detri konmsa, ki kalite lavi zot devre viv? Zot devre anmenn en lavi sen avek respe pour Bondye.

2 Pyer 3:4

Zot pou dir: Oli sa enn ki'n promet ki i pou retournen? Depi ki nou bann zanset in mor, tou i reste parey ti ete o konmansman, depi kreasyon lemonn.

2 Pyer 3:7

Kanta lesyel ek later aktyel, zot in ganny prezerve par sa menm parol, pour zot ganny detri par dife plitar. Zot i'n ganny garde pour sa zour zizman kan bann malfeter pou ganny detri.

Let Zid 1:21

Reste dan lanmour Bondye, an atandan ki nou Senyer Zezi-Kri, dan son labonte, i donn zot lavi eternel.