2 Pyer 3:11 - Labib An Kreol Seselwa

¹¹ Akoz tou pou ganny detri konmsa, ki kalite lavi zot devre viv? Zot devre anmenn en lavi sen avek respe pour Bondye.

2 Pyer 3:11 ပူးပေါင်းရင်းမြစ်များ

Psonm 37:14

Bann malfeter i tir zot lepe; zot prepar zot dart pour touy sa enn ki pov e ki malere, pour touy sa enn ki mars lo bon semen.

Psonm 50:23

Sa enn ki anmenn mwan son lofrann, i onor mwan. Sa enn ki mars dan bon semen, mon pou fer li war delivrans Bondye.

Psonm 75:3

Later i kapab tranble avek tou son bann zabitan, me mon gard son fondasyon ferm.

Ezai 14:31

Bann laport lavil! Plere! Bann lavil! Kriye! Tou bann Filisten i fonn avek lafreyer, akoz en gro lafimen pe monte sorti dan Nor; personn pa pe sove parmi bann konbatan.

Ezai 24:19

Later pe ouver partou; later pe fann, later i tranble avek vyolans.

Ezai 34:4

Tou bann larme lesyel pe pouri. Lesyel in roul roule parey en liv. Tou son larme pou grennen parey fey rezen ki'n fletri, oubyen parey fey fig ki'n fletri.

Matye 8:27

Zot tou, zot ti etonnen e zot ti dir, “Lekel sa zonm, ki menm divan ek delo i obei li?”

Romen 13:11

Zot devre konnen dan ki letan nou pe viv. Ler in arive pour zot reveye dan zot sonmey. Delivrans i pli pre avek nou ki kan nou ti krwar pour premye fwa.

Romen 13:12

Lannwit in avanse, lizour pe aprose. Annou rezet bann aksyon ki ganny fer dan fernwanr e pran bann zarm ki permet konbat dan lalimyer.

2 Korentyen 1:12

La sa ki fer nou fyer: Nou konsyans i dir nou ki nou kondwit dan lemonn, e sirtou anver zot, in avek senplisite ek senserite devan Bondye; non pa avek lasazes imen, me avek lagras Bondye.

Filipyen 1:27

Me i enportan ki zot konport zot dan en fason diny anver Bonn Nouvel Kris. Alor, ki mon vin war zot, oubyen ki mon pa vini, mon swete tande ki zot pe reste ini solidman dan en menm lespri; ki ansanm, avek en menm leker, zot pe konbat pour lafwa ki baze lo Bonn Nouvel.

Filipyen 3:20

Me nou, nou bann sitwayen lesyel, ki pe esper avek enpasyans nou Sover, Senyer Zezi-Kri ki pou retournen sorti dan lesyel.

1 Tesalonisyen 1:5

Nou pa'n anons zot Bonn Nouvel zis an parol, me osi avek pwisans, ek sekour Lespri Sen e avek konviksyon. Annefe, zot i'n war koman nou'n konport nou parmi zot, pour zot dibyen.

1 Timote 3:16

Sertennman, ki mister nou lafwa i gran: I'n paret dan laform imen. I'n ganny zistifye par Lespri. Bann lanz in war li. I'n ganny anonse parmi bann nasyon. Atraver lemonn bokou in krwar dan li, i'n ganny anleve dan laglwar Bondye.

1 Timote 4:12

Pa les personn mepriz ou akoz ou ankor zenn, me donn legzanp bann krwayan dan ou fason koze, dan ou mannyer viv, dan ou lanmour, ou lafwa ek en lavi pir.

1 Timote 6:11

Pour ou ki en zonm Bondye, evit tousala. Atas ou avek lazistis, lafwa dan Kris, lanmour, pasyans ek ladouser.

1 Timote 6:3

Si en dimoun i ansenny en lot doktrin; si i pa dakor avek bann vre parol nou Senyer Zezi-Kri ek lansennyman nou lafwa,

1 Timote 6:6

Sertennman ki lafwa dan Bondye i en gran sours larises pour sa enn ki kontant li avek sa ki i annan.

Ebre 13:5

Pa les lanmour pour larzan domin zot lavi. Me kontant zot avek sa ki zot annan, akoz Bondye li menm ti dir: Mon pa pou zanmen negliz ou, mon pa pou zanmen abandonn ou.

Let Zak 1:24

Apre ki i'n byen war li dan laglas, i ale e oubliy deswit koman i ete.

Let Zak 3:13

Lekel parmi zot ki saz e annan disernman? I devre prouv li par son bon mannyer viv, par son bann bon aksyon fer avek douser ek lasazes.

1 Pyer 1:15

Parey Bondye ki'n apel zot i sen, zot osi, vin sen dan tou zot kondwit.

1 Pyer 2:12

Kondwir zot byen parmi bann nasyon. Konmsa, menm si sa bann dimoun i dir dimal lo zot e tret zot koman bann malfeter, zot bann bon aksyon ava ganny rekonnet e zot ava rann glwar Bondye zour son zizman.

2 Pyer 1:3

Annefe, dan son pwisans, Bondye in donn nou tou sa ki nou bezwen pour viv en lavi vreman dapre son lavolonte. In fer nou konn sa enn ki'n apel nou pour partisip dan son prop laglwar ek son bann mervey.

2 Pyer 1:6

Azout avek vre konnesans Bondye, disiplin lo zot lekor, avek disiplin lo zot lekor, perseverans, e avek perseverans, fidelite anver Bondye.

2 Pyer 3:10

Pourtan, Zour Senyer pou arive koman en voler. Sa zour, lesyel pou disparet avek en gran fraka; bann zetwal pou fonn dan dife. Later avek tou aksyon bann zabitan, pou ganny zize.

2 Pyer 3:12

Letan zot pe esper sa zour, fer tou zot mye pour ki i vin pli vit. Sa zour la, lesyel pou alimen e ganny detri, e tou bann eleman pou fonn dan dife!