2 Pyer 2:9 - Labib An Kreol Seselwa

⁹ Sa i montre ki Senyer i konnen ki mannyer i pou delivre dimoun ki atase avek li kan zot dan difikilte, e gard bann malfeter pour pinisyon zour zizman.

2 Pyer 2:9 ပူးပေါင်းရင်းမြစ်များ

Liv Zob 21:30

Zour maler, bann malfeter i ganny eparnyen; lakoler Bondye i kit zot sen e sof.

Liv Zob 5:19

I pou delivre ou sis fwa dan tourman, e pandan set fwa, i pou eparny ou dan maler.

Psonm 12:1

SENYER! Mon kriy osekour. Tou dimoun fidel in disparet. Nepli annan personn ki ou kapab fer konfyans.

Psonm 32:6

Alor, sa enn ki fidel anver ou, ava priy ou dan letan bezwen. Menm si bann gran delo i deborde, zot pa pou ariv kot li.

Psonm 37:33

Me SENYER pa pou abandonn li. Dan en prose i pa pou les li ganny kondannen.

Psonm 4:3

Pa oubliye ki SENYER in met apar sa enn ki reste fidel anver li. SENYER i antann mwan ler mon apel li.

Proverb 12:13

En malfeter i pri dan son prop parol; me dimoun onnet i sape dan maler.

Proverb 16:4

Tou sa ki SENYER in fer i pour en rezon, menm bann malfeter, pour zot ganny pini zour maler.

Matye 10:15

Mon dir zot, sa i laverite: Zour zizman, zabitan Sodonm ek Gomor, pou ganny trete mwen severman ki bann zabitan sa lavil.

Matye 6:13

Pa les nou tonm dan tantasyon. Me delivre nou kont ladverser. Akoz ou ki posed larwayote, pwisans ek mazeste pour touzour. Amenn.

Romen 2:5

Me ou pa oule konpran; ou refize sanze. Pour sa rezon, ou pe anmas lo ou, en pli gran pinisyon kan Bondye pou devers lo ou son lakoler ek son zizman ki zis. Sa zour,

1 Korentyen 10:13

Bann tantasyon ki zot in gannyen, i ariv avek tou dimoun. Me Bondye i fidel dan son promes. I pa pou permet ki nou ganny tante plis ki nou kapab siporte. Kan tantasyon i vini, Bondye osi i donn lafors pour kapab siporte, e mwayen pour sorti.

2 Timote 3:12

Dayer, tou dimoun ki oule viv en lavi fidel ini avek Zezi-Kri pou ganny persekite.

Let Pol pour bann Tit 2:14

Annefe, Zezi-Kri i'n donn son prop lavi pour nou, pour delivre nou dan tou mal e pirifye nou koman en pep ki pour li, en pep zele pour fer sa ki byen.

2 Pyer 2:4

Annefe, Bondye pa ti eparny bann lanz ki ti koupab. I ti zet zot dan labim fernwanr kot zot in ganny ansennen pour zour zizman.

2 Pyer 3:7

Kanta lesyel ek later aktyel, zot in ganny prezerve par sa menm parol, pour zot ganny detri par dife plitar. Zot i'n ganny garde pour sa zour zizman kan bann malfeter pou ganny detri.

Let Zid 1:6

Mon rapel zot koman serten lanz ki pa ti satisfe avek pouvwar ki zot ti annan, ti abandonn zot prop demer. Alor, Bondye i'n gard zot ansennen pour touzour dan fernwanr, dan fon labim, pour sa gran zour zizman.

Revelasyon 3:10

Akoz ou'n obei mon lord avek perseverans, mon pou protez ou pandan bann letan leprev ki pe vini, pour teste bann zabitan later.

1 Samyel 29:10

Aprezan, lev granmaten; pran tou bann zonm ki'n vin isi avek ou, e ale de ki lizour i fer.”