2 Pyer 2:6 - Labib An Kreol Seselwa

⁶ Bondye ti pas kondannasyon e detri lavil Sodonm ek Gomor ki i ti fer zot vin lasann. Sa ti en leson pour bann move dimoun dan lavenir.

2 Pyer 2:6 ပူးပေါင်းရင်းမြစ်များ

Zenez 19:28

I ti get dan direksyon Sodonm ek Gomor, e tou sa rezyon antye. I ti war lafimen monte sorti dan later, parey lafimen en fourno.

Ezai 1:9

Si SENYER liniver pa ti'n les detrwa sirvivan, nou ti ava'n pas parey lavil Sodonm, nou ti ava'n pas parey lavil Gomor.

Ezai 13:19

Babilonn! Sa pli zoli lavil dan rwayonm, lafyerte bann Babilonyen, pou vin parey Sodonm ek Gomor zour Bondye ti detri zot.

Zeremi 50:40

Sa ki pour ariv lo Babilonn, pour parey katastrof ki mon ti anvoy lo Sodonm ek Gomor, kan mon ti detri sa de lavil avek tou bann lavil dan zalantour, SENYER i deklare. Alor, personn pa pou vin reste isi, personn pa pou pas isi.

Oze 11:8

Ki mannyer mon pou kapab abandonn Efraim, e debarase avek ou, Izrael? Ki mannyer mon pou kapab tret ou parey Adma, e tret ou parey avek Seboim? Sa lide i boulvers mon leker, mon konpasyon i tro for.

Amos 4:11

Mon'n detri serten parmi zot, parey mon ti detri Sodonm ek Gomor. Bann ki'n sape, ti parey en tizon ki'n ganny tire dan dife. Malgre sa, zot pa'n retourn ver mwan. SENYER ki'n deklare.

Sofoni 2:9

Alor, la sa ki SENYER liniver, Bondye Izrael, i deklare: Osi vre ki mon vivan, Moab pou vin parey Sodonm; bann Amonit parey lavil Gomor. Sa pei pou vin en landrwa kouver avek move zerb, bann basen disel, en pei detri pour touzour. Leres sirvivan parmi mon pep pou depouy li. Restan mon pep pou pran posesyon zot patrimwann.

Nonm 16:38

Lansanswar sa bann dimoun ki'n pey zot pese avek zot lavi, in vin sen. Fer en plak pour kouver lotel avek; zot in ganny konsakre ler zot ti ganny ofer devan SENYER. Sa i ava servi koman en lavertisman pour pep Izrael antye.

Nonm 26:10

Later ti ouver e anval zot avek Kore, kan dife ti bril 250 parmi zot; zot ti vin en lavertisman pour lepep.

Matye 10:15

Mon dir zot, sa i laverite: Zour zizman, zabitan Sodonm ek Gomor, pou ganny trete mwen severman ki bann zabitan sa lavil.

Matye 11:23

Ou Kapernaoum! Eski ou krwar ou pou ganny leve ziska lesyel? Non! Ou pou ganny abese ziska dan lemonn lanmor. Annefe, si bann mirak ki'n ganny fer kot ou, ti'n ganny fer dan Sodonm, sa lavil ti ava ankor egziste ozordi.

Romen 9:29

Parey Ezai ti'n dir oparavan: Si Senyer Toupwisan pa ti'n donn nou en desandans, nou ti pou vin parey Sodonm, nou ti pou resanble Gomor.

1 Korentyen 10:11

Sa bann maler ti ariv zot, pour servi legzanp pour lezot. Zot in ganny ekri koman en lavertisman pour nou ki pe viv dan letan lafen.

Deterononm 29:23

Son pei antye in ganny brile par souf ek disel, napa nanryen ki pouse, okenn boutir, okenn vezetasyon; parey dan destriksyon ki ti ariv avek Sodonm ek Gomor, Adma ek Zeboim ki SENYER ti detri dan son gran lakoler.

Ebre 4:11

Alor, annou fer tou zefor posib pour antre dan sa repo, pour ki personn pa tonbe par dezobeisans, parey nou bann zanset.

Let Zid 1:15

I pou egzers son zizman lo tou dimoun. I pou kondann tou bann peser pour tou zot bann move aksyon ki zot in komet, kan zot ti revolte kont Bondye; pour tou zot bann parol lensilt ki zot in dir kont li.

Let Zid 1:7

Rapel zot osi, sa ki ti arive avek Sodonm, Gomor ek bann lavil dan zalantour. Zot bann zabitan ti fer parey: Zot ti livre zot lekor dan bann akt seksyel imoral, ek bann akt kont natir. Zot ti ganny pinisyon dife eternel. Sa i en lavertisman serye pour tou dimoun.