2 Pyer 2:20 - Labib An Kreol Seselwa

²⁰ Annefe, i annan ki'n sape anba move lenfliyans lemonn, gras a konnesans nou Senyer e Sover Zezi-Kri. Me, si zot les zot reganny atrape e reganny anpaye, e ganny bate, zot kondisyon i vin pir ki avan.

2 Pyer 2:20 ပူးပေါင်းရင်းမြစ်များ

Ezekyel 33:13

Si mon dir en zonm zis ki i pou viv, me li i krwar ki son bon lavi dan lepase pou sov li e i azir mal, okenn son bann bon aksyon avan pa pou annan valer; i pou mor dan son move kondwit.

Levitik 13:20

Sa pret ava egzamin li. Si i paret ki i fer en kre dan son lapo e ki son pwal i vin blan, alor pret ava deklar sa dimoun enpir: En maladi parey lalep in devlop dan sa klou.

Levitik 13:55

Pret ava reegzamin sa lobze avek tas mwazi apre ki i'n ganny lave. Si sa tas i reste parey, menm si i pa'n agrandi, i enpir. I devre ganny brile dan dife, menm si sa tas mwazi i lo bon kote oubyen lo lanver.

Levitik 14:43

Si sa tas mwazi i aparet ankor dan sa lakaz, apre ki bann ros in ganny tire, e ki miray in ganny grate e rekrepi,

Nonm 24:20

Dan son vizyon, Balaanm ti war bann Amalesit. I ti fer son prediksyon: Amalek i nasyon pli pwisan. Me finalman, i pou ganny detri.

Deterononm 32:29

Si zot ti saz, zot ti ava'n konpran sa; zot ti ava'n disern zot lavenir.

Filipyen 3:19

Zot pe al ver zot prop pert. Zot vant i zot bondye; zot fyer pour sa ki ti devre fer zot onte; zot mazin zis bann keksoz materyel.

2 Timote 2:4

Si i oule fer plezir sa enn ki ti anrol li, en solda dan servis pa anbaras li avek bann zafer lavi sivil.

Let Zak 1:27

La sa ki Bondye Papa i konsider koman en relizyon pir e san defo: Pran swen bann orfelen ek bann vev dan zot detres; pa les ou ganny sali par salte sa monn.

2 Pyer 1:11

Annefe, konmsa ki zot pou ganny drwa antre libreman dan rwayonm eternel nou Senyer e Sover Zezi-Kri.

2 Pyer 1:2

Mon swete ki zot resevwar lagras ek lape annabondans, par konnesans Bondye ek Zezi, nou Senyer.

2 Pyer 1:3

Annefe, dan son pwisans, Bondye in donn nou tou sa ki nou bezwen pour viv en lavi vreman dapre son lavolonte. In fer nou konn sa enn ki'n apel nou pour partisip dan son prop laglwar ek son bann mervey.

2 Pyer 1:4

Par sa laglwar ek sa bann mervey, Bondye in donn nou bann gran promes ki presye e enportan. Konmsa, kan zot ava resevwar sa bann promes, zot ava kapab sorti dan sa lemonn pouri avek tou son bann move dezir, e pran par dan son laglwar.

2 Pyer 1:8

Se sa bann kalite ki zot devre posede. Si zot posed sa bann kalite annabondans, zot ava aktif e prodiktif dan konnesans nou Senyer Zezi-Kri.

2 Pyer 2:18

Zot pronons bann gran diskour vid e bet. Zot servi dezir imoral zot prop natir, pour met dan zot pyez, bann ki apenn fek sape parmi bann ki viv dan lerer.

2 Pyer 3:18

Kontinyen grandi dan lagras ek konnesans nou Senyer e Sover Zezi-Kri. Annou rann li glwar, aprezan e pour touzour! Amenn!