2 Pyer 2:2 - Labib An Kreol Seselwa

² Bokou pou swiv zot dan zot lavi imoral, e akoz zot, dimoun pou malparl semen laverite.

2 Pyer 2:2 ပူးပေါင်းရင်းမြစ်များ

Zenez 19:5

Zot ti apel Lot e demann li, “Oli sa bann zonm ki'n vin kot ou, la aswar? Anmenn zot kot nou, nou oule dormi avek zot.”

Psonm 18:21

Mon'n met an pratik komannman SENYER. Mon'n reste fidel anver mon Bondye.

Ezai 35:8

La ki ou annan en gran semen ki pou ganny apele: Semen Sentete. Dimoun enpir pa pou kapab pas par la. I pou ganny rezerve zis pou pep Bondye. Okenn vwayazer, ni menm bann fou pa pou rantre san fer atansyon.

Zeremi 6:16

La sa ki SENYER deklare: Aret en kou; plas ou lo krwaze semen; demande oli sa semen lontan, sa bon semen, swiv li e ou ava viv dan trankilite. Me zot in dir: Non! Nou pa pou swiv sa semen!

Matye 22:16

Zot ti anvoy serten zot bann disip ek serten manm dan parti Herod kot Zezi pou dir li, “Met! Nou konnen ki ou fran e ki ou ansenny semen Bondye dan tou laverite, san les personn enfliyans ou, akoz ou pa fer lapreferans pour personn.

Matye 24:24

Annefe, bann fo mesi ek bann fo profet pou aparet. Zot pou fer bann gran mirak ek bann gran siny, si posib pour tronp menm bann ki Bondye in swazir.

Matye 7:14

Me laport e semen ki anmenn ver lavi i etrwat e difisil. Napa bokou ki trouv li.

Mark 12:14

Zot ti vin dir li, “Met! Nou konnen ki ou fran e ou pa per personn. Ou pa pran kont lenportans dimoun, me ou ansenny laverite lo lavolonte Bondye. Dir nou, eski nou Lalwa i permet pey taks Sezar? Eski nou devre peye oubyen non?”

Mark 13:22

Annefe, bann fo mesi ek bann fo profet pou aparet. Zot pou fer bann siny ek bann mirak pour tronp zot, e si posib, menm bann ki Bondye in swazir.

Levanzil dapre Zan 14:6

Zezi ti dir li, “Mwan menm semen, laverite e lavi. Personn pa kapab ariv kot mon Papa san pas par mwan.

Akt de Zapot 13:10

I ti dir li, “Ou piti dyab, lennmi tou sa ki byen, ranpli avek riz ek malis! Kan eski ou pou arete fos laverite ek plan Senyer?

Akt de Zapot 14:2

Me bann Zwif ki ti refize krwar, ti eksit bann non-Zwif e tourn zot kont bann frer.

Akt de Zapot 16:17

I ti konmans swiv Pol ek nou. I ti kriye, “Sa bann zonm, zot bann serviter Bondye Toupwisan! Zot pe anonse ki mannyer fodre fer pour ganny sove.”

Akt de Zapot 18:26

I ti ansenny avek bokou lasirans dan sinagog. Me kan Prisil ek Akila ti antann son mesaz, zot ti anmenn li kot zot e eksplik li pli byen Semen Bondye.

Akt de Zapot 19:9

Me ti annan serten ki ti antete e refize krwar. Devan lasanble, zot ti koz avek mepri lo size Semen Senyer. Alor Pol, ti kit zot. I ti anmenn bann disip avek li dan lekol Tiranis, kot i ti diskite tou le zour.

Akt de Zapot 22:4

Mon ti persekit anmor, tou bann ki ti swiv sa Semen Senyer. Mon ti aret zonm koman fanm e zet zot dan prizon.

Akt de Zapot 24:14

Sepandan, la mon rekonnet devan ou, ki mon servi Bondye nou bann zanset, an swivan sa Nouvo Semen ki zot, zot dir i fo. Me mon krwar dan tou sa ki'n ekri dan Lalwa ek bann Profet.

Romen 2:24

Annefe, Lekritir i deklare: Se akoz zot menm, ki lezot pep i ensilte Bondye.

1 Timote 5:14

Pour sa rezon, mon oule ki bann zenn vev zot remarye; ki zot ganny zanfan e pran swen zot lakaz. Konmsa, zot pa ava donn okenn lokazyon nou bann ladverser dir dimal lo nou.

Let Pol pour bann Tit 2:5

Zot devre osi senp e pir, byen tenir zot, konn byen okip zot lakour, bon e obeisan anver zot mari, pour ki personn pa kritik Parol Bondye.

Let Pol pour bann Tit 2:8

Swazir ou bann parol, pour ki personn pa kapab kritike. Konmsa, ladverser ava kanmi akoz i pou napa okenn keksoz mal pour dir lo nou.

1 Pyer 2:12

Kondwir zot byen parmi bann nasyon. Konmsa, menm si sa bann dimoun i dir dimal lo zot e tret zot koman bann malfeter, zot bann bon aksyon ava ganny rekonnet e zot ava rann glwar Bondye zour son zizman.

2 Pyer 2:12

Me sa bann zans, zot azir avek zot lensten, parey bann zannimo sovaz ki'n ne zis pour ganny atrape e touye. Zot ensilte dimoun ki zot pa ni menm konnen. Zot pou ganny detri parey sa bann zannimo sovaz.

2 Pyer 2:15

Zot in abandonn vre semen e zot in egare lo zot larout. Zot in swiv menm semen ki Balaanm, garson Bosor ki ti kontan larzan, ki i ti gannyen pour fer lemal.

2 Pyer 2:18

Zot pronons bann gran diskour vid e bet. Zot servi dezir imoral zot prop natir, pour met dan zot pyez, bann ki apenn fek sape parmi bann ki viv dan lerer.

2 Pyer 2:21

I ti ava'n preferab si zot pa ti'n zanmen konn semen lazistis, si, apre ki zot in konnen, zot detourn zot avek sa sen komannman ki zot ti'n resevwar.

2 Pyer 2:7

Me i ti delivre Lot, en zis, ki ti byen sagrinen par kondwit deregle bann kriminel dan son lepok.

Let Zid 1:10

Me sa bann zonm pe ensilte sa ki zot pa konnen. Zot konn zis par zot lensten, parey zannimo sovaz. Sa pe fer zot maler.

Let Zid 1:15

I pou egzers son zizman lo tou dimoun. I pou kondann tou bann peser pour tou zot bann move aksyon ki zot in komet, kan zot ti revolte kont Bondye; pour tou zot bann parol lensilt ki zot in dir kont li.

Let Zid 1:4

Annefe, i annan serten dimoun move ki'n antre sekretman parmi nou. Zot deform lansennyman konsernan lagras nou Bondye, pour zistifye zot lavi imoral. Zot rezet Zezi-Kri, nou sel Met e Senyer. Depi lontan, Lekritir in anons zot kondannasyon.

Let Zid 1:7

Rapel zot osi, sa ki ti arive avek Sodonm, Gomor ek bann lavil dan zalantour. Zot bann zabitan ti fer parey: Zot ti livre zot lekor dan bann akt seksyel imoral, ek bann akt kont natir. Zot ti ganny pinisyon dife eternel. Sa i en lavertisman serye pour tou dimoun.

Revelasyon 12:9

Sa gran dragon, ti ganny zet deor. Li menm li sa serpan lantikite, ki apel dyab oubyen Satan, e ki tronp lemonn antye. I ti ganny zete lo later ansanm avek son bann lanz.

Revelasyon 13:14

Par sa bann mirak ki i ti'n ganny pouvwar fer dan prezans sa premye bebet, i ti tronp bann zabitan later. I ti demann zot fer en stati sa bebet ki ti'n ganny blese par lepe e ki'n reviv.

Revelasyon 13:8

Tou zabitan later, tou bann ki zot non pa'n ganny ekri depi konmansman lemonn, dan liv lavi Zenn Mouton ki'n ganny egorze, pou prostern devan li.