2 Pyer 2:16 - Labib An Kreol Seselwa

¹⁶ Me i ti ganny reprimande pour son pese. Annefe, en bourik, ki ti koz avek li koman en imen ti aret sa profet dan son aksyon ensanse.

2 Pyer 2:16 ပူးပေါင်းရင်းမြစ်များ

Psonm 39:11

Ou koriz en imen e ou pini li pour son bann fot; parey en lever, ou ronz sa ki i pli kontan. Nou konnen ki tou et imen i zis divan.

Eklezyas 7:25

Alor, mon ti etidye avek bokou atansyon pour rode kisisa lasazes e konpran pour ki rezon ki keksoz i arive. Mon'n aprann osi ki fer mesanste i en keksoz fou e bet.

Eklezyas 9:3

La kot i mal dan tou sa ki pase anba soley: En menm sor pour tou dimoun san okenn eksepsyon. Leker imen i plen avek mesanste, lafoli i ranpli zot leker depi zot lazenes ziska zot lanmor.

Oze 9:7

Sa zour in arive, zour rann kont in arive: Izrael pou konnen! Profet in vin fou, sa zonm ki'n ganny enspire pe rabase, akoz grander ou krim ek latak vyolan.

Levanzil dapre Lik 16:11

Alor, si ou pa'n onnet dan sa ki konsern byen malaki, lekel ki pou konfye ou bann vre larises?

Akt de Zapot 26:11

Souvan mon ti fer pini zot dan sinagog e esey obliz zot renye zot lafwa. Mon ti sitan asarnen kont zot, ki mon ti al ziska dan bann lavil etranze pour persekit zot.