2 Pyer 2:14 - Labib An Kreol Seselwa

¹⁴ Zot regar i ranpli avek dezir pour komet adilter; zot pa zanmen komet ase pese. Zot atir bann ki feb dan zot pyez. Zot leker in byen antrennen dan dezir pour ganny larzan. Zot in ganny malediksyon!

2 Pyer 2:14 ပူးပေါင်းရင်းမြစ်များ

Liv Zob 31:7

Si mon lepa in kit semen; si mon leker in swiv mon lizye, e si mon lanmen in ganny sali,

Liv Zob 31:9

Si mon'n les mon leker ganny atire par en fanm, si mon'n get deryer laport mon prosen,

Proverb 5:6

I pa mars drwat lo semen lavi, i perdi son semen san ki i konnen.

Proverb 6:25

Pa dezir son labote dan ou leker e pa les li sedwir ou par son regar.

Ezai 1:16

Lav zot! Pirifye zot! Tir sa bann move keksoz devan mwan. Aret fer sa ki mal.

Ezai 34:5

Mon lepe in aparet dan lesyel; i pou desann lo bann Edomit, lo sa pep ki mon'n kondannen pour destriksyon.

Ezai 65:20

Dan Zerizalenm, pou nepli annan pti baba ki viv zis detrwa zour ni vye dimoun ki pa viv lontan, akoz sa enn ki mor laz 100 an, pou ganny konsidere koman en zenn. Sa enn ki mor pli zenn ava ganny konsidere koman en malediksyon.

Zeremi 13:23

Eski en dimoun nwanr i kapab sanz kouler son lapo? Eski en leopar i kapab tir bann tas lo li? Ou, ki abitye fer lemal, ou pou kapab fer sa ki byen?

Ezekyel 13:18

Ou ava dir: La sa ki Senyer BONDYE i deklare: Maler lo zot, bann fanm ki koud bann riban pour met lo tou pwannyen ek vwal pour met lo latet dimoun tou grander pour kontrol zot lavi. Zot oule kontrol lavi mon pep e prezerv zot prop lavi.

Matye 12:34

Ras serpan ki zot ete! Ki mannyer zot pou kapab dir bon keksoz, kan zot menm, zot move? Annefe, labous i dir sa ki deborde dan leker.

Matye 23:14

Maler lo zot bann profeser Lalwa ek bann Farizyen! Bann ipokrit! Zot eksplwat bann vev e pran posesyon zot lakaz. Anmenmtan, zot fer long lapriyer pour zot paret bon. Zot kondannasyon pou pli sever.

Matye 25:41

Apre, lerwa pou dir avek bann ki lo son kote gos: Sorti kot mwan zot ki'n ganny modi! Al dan dife eternel ki'n ganny prepare pour dyab ek son bann lanz!

Matye 5:28

Me mwan mon dir zot: En dimoun ki get en fanm avek lanvi, i'n deza komet adilter avek li dan son leker.

Mark 13:22

Annefe, bann fo mesi ek bann fo profet pou aparet. Zot pou fer bann siny ek bann mirak pour tronp zot, e si posib, menm bann ki Bondye in swazir.

Levanzil dapre Zan 5:44

Zot kontan resevwar konpliman avek kanmarad. Me konpliman ki sorti zis kot Bondye zot pa rode. Ki mannyer alor, zot pou kapab krwar mwan?

Romen 16:18

Annefe, sa bann dimoun pa servi Kris, nou Senyer, me zot vant. Par zot bann zoli parol ek bann diskour flater, zot arive anbet dimoun ki lespri i senp.

1 Korentyen 11:19

Fodre byen ki i annan divizyon parmi zot, pour kapab rekonnet lekel ki vreman fidel.

Efezyen 2:3

Nou tou, nou ti parey zot avan: Nou ti pe viv dapre pasyon nou prop natir; nou ti swiv bann dezir nou lekor ek nou lespri. Pour sa rezon, par natir, nou ti bann zanfan lakoler parey tou lezot imen.

Efezyen 4:14

Alor, nou pou nepli parey bann zanfan ki ganny trennen par laroul, e pouse partou par nenport ki divan lansennyman ki dimoun rize i fannen pour antrenn lezot dan lerer.

Kolosyen 2:18

Pa les zot ganny kondannen par dimoun ki pran plezir dan bann fo pratik limilite, ek ladorasyon bann lanz e ki fer vantar dan fo vizyon. Par zot mannyer panse ki tro imen, sa bann dimoun i ranpli avek lorgey san okenn rezon.

Let Zak 1:8

Annefe, sa dimoun pa konnen kwa ki i pou swazir; i enserten dan sa ki i fer.

2 Pyer 2:18

Zot pronons bann gran diskour vid e bet. Zot servi dezir imoral zot prop natir, pour met dan zot pyez, bann ki apenn fek sape parmi bann ki viv dan lerer.

2 Pyer 2:3

Akoz zot lanmour pour larzan, sa bann dimoun pou eksplwat zot par bann fo rezonnman pour trik zot. Me zot zizman in pare pour zot depi lontan; zot kondannasyon pe esper zot, e zot destriksyon pa pe dormi.

2 Pyer 3:16

Annefe, i koz lo sa size dan tou son bann let. I annan serten pasaz difisil pour konpran, ki serten dimoun inyoran san formasyon, i deform son sans. Zot fer parey avek lezot parti Lekritir. Sa i pour zot prop pert.

1 Zan 2:16

Tou sa ki dan lemonn: Move dezir natir imen, lanvi posed sa ki nou war ek lorgey dan lavi tou le zour; tousala pa sorti kot nou Papa, me i sorti dan lemonn.

Let Zid 1:11

Maler lo zot! Zot in swiv menm semen ki Kaen. Pour larzan, zot in livre zot dan menm lerer ki Balaanm. Zot in ganny detri akoz zot in revolte parey Kore.

Revelasyon 12:9

Sa gran dragon, ti ganny zet deor. Li menm li sa serpan lantikite, ki apel dyab oubyen Satan, e ki tronp lemonn antye. I ti ganny zete lo later ansanm avek son bann lanz.