2 Pyer 2:1 - Labib An Kreol Seselwa

¹ Parey ki ti annan bann fo profet parmi pep Izrael, pou osi annan bann fo ansennyan parmi zot. Sekretman, zot pou entrodwir bann fo doktrin destrikter. Zot pou menm renye zot Met ki'n sov zot. Zot pou menm atir destriksyon rapid lo zot.

2 Pyer 2:1 ပူးပေါင်းရင်းမြစ်များ

1 Rwa 22:6

Lerwa Izrael ti rasanble anviron 400 profet. I ti dir zot, “Eski mon kapab al atak Ramot-Galaad oubyen non?” Zot ti reponn, “Ale! SENYER pou livre lavil dan lanmen lerwa.”

Egzod 15:16

Lafreyer ek laper in tonm lo zot. Par lafors ou lebra, zot perdi laparol, parey en ros, ziska ki ou pep SENYER, in fini pase, ziska ki sa pep SENYER, ki ou'n sove, in fini pase.

Ezai 9:15

Bann ansyen ek bann zonm enportan, se sa latet; bann profet ki ansenny mansonz, se sa lake.

Zeremi 29:21

La sa ki SENYER liniver, Bondye Izrael i dir konsernan Akab, garson Kolaya, lo Sedesyas, garson Maaseya ki pe koz mansonz lo mon non. Mon pou livre zot dan lanmen Naboukodonozor, lerwa Babilonn ki pour met zot anmor devan zot lizye.

Zeremi 37:19

Oli ou bann profet ki ti anons ou ki lerwa Babilonn pa pou atak ou, ni sa pei?

Zeremi 6:13

Gran koman pti, pe fer tou pour zot vin ris dan fason malonnet. Depi bann profet ziska bann pret, zot tou, zot koz manti.

Lamantasyon 2:14

Ou bann profet ti ganny bokou vizyon ki ti zis mansonz pour anbet ou. Si zot ti'n fer ou konn ou fot, ou sityasyon ti ava'n kapab sanze. Me zot mesaz ti zis mansonz.

Oze 9:8

Bondye in anvoy son profet pour vey lo Efraim; me zot met latrap pour li partou; i ganny atake menm dan tanp Bondye.

Mise 2:11

Si en dimoun i pas letan envant mansonz, e anonse: Zot pou ganny diven ek labwason for! Sanmenm kalite profet ki sa pep i oule!

Mise 3:11

Son bann sef i rann zizman kont gous; son bann pret i fer peye pour ansennyen; son bann profet i predir lavenir pour larzan. Pourtan, zot kont lo SENYER, e zot dir: SENYER i avek nou. Okenn maler pa pou tonm lo nou!

Mise 3:5

La sa ki SENYER i deklare kont bann profet ki'n egar mon pep: Lape, kan zot annan keksoz pour manze. Me zot deklar lager kont sa bann ki pa donn zot manze.

Malasi 3:5

Alor, mon pou apros zot pour zizman. Mon pou deswit pas zizman kont bann sorsye, bann ki komet adilter, bann ki fer fo serman, bann ki eksplwat zot travayer e ki abiz lo bann vev ek bann orfelen, e ki maltret bann etranze. Tou sa bann dimoun napa respe pour mwan. SENYER liniver ki deklare.

Matye 10:33

Me sa enn ki rezet mwan piblikman, mon pou rezet li devan mon Papa ki dan lesyel.

Matye 24:11

En kantite fo profet pou aparet e tronp bokou dimoun.

Matye 24:24

Annefe, bann fo mesi ek bann fo profet pou aparet. Zot pou fer bann gran mirak ek bann gran siny, si posib pour tronp menm bann ki Bondye in swazir.

Matye 24:5

Annefe, en kantite pou servi mon non e dir: Mwan menm Mesi. Zot pou tronp en kantite dimoun.

Matye 7:15

Mefye zot bann fo profet. Zot vin kot ou degize dan lapo mouton, me anndan, zot en bann loulou feros.

Mark 13:22

Annefe, bann fo mesi ek bann fo profet pou aparet. Zot pou fer bann siny ek bann mirak pour tronp zot, e si posib, menm bann ki Bondye in swazir.

Levanzil dapre Lik 12:9

Me sa enn ki rezet mwan devan zonm, mwan osi mon pou rezet li devan bann lanz Bondye.

Levanzil dapre Lik 21:8

Zezi ti reponn, “Fer atansyon: Pa les zot ganny anbete. Annefe, en kantite pou servi mon non. Zot pou dir: Mwan menm Mesi. Sa letan in arive! Pa swiv zot.

Levanzil dapre Lik 6:26

Maler lo zot, si tou dimoun i dir dibyen lo zot! Konmsa ki zot bann zanset ti tret bann fo profet.

Romen 16:18

Annefe, sa bann dimoun pa servi Kris, nou Senyer, me zot vant. Par zot bann zoli parol ek bann diskour flater, zot arive anbet dimoun ki lespri i senp.

1 Korentyen 11:19

Fodre byen ki i annan divizyon parmi zot, pour kapab rekonnet lekel ki vreman fidel.

1 Korentyen 6:20

akoz Bondye in pey en gran pri pour li aste zot. Alor, servi zot lekor pour loue Bondye.

1 Korentyen 7:23

Zot in ganny aste pour en gran pri. Pa les zot vin lesklav zonm.

Galat 2:4

Ti annan serten, sepandan, bann fo frer, ki ti pretann ki zot bann krwayan. Zot ti zwenn avek nou group an sekre koman bann espyon pour obzerv laliberte ki nou posede dan Zezi-Kri, pour fer nou vin lesklav lalwa.

Galat 3:13

Kris in liber nou kont malediksyon Lalwa, akoz i'n pran malediksyon dan nou plas. Annefe, Lekritir i deklare: Modi sa enn ki ganny pann lo en pye dibwa.

Galat 4:17

Sa bann dimoun i montre bokou lentere pour zot, me zot lentansyon pa bon. Sa ki zot oule, se separ zot avek mwan. Konmsa, tou latansyon ava pour zot.

Galat 5:20

ladorasyon zidol, siperstisyon, laenn, diskord, zalouzi, lakoler, egoism, divizyon,

Efezyen 1:7

Annefe, par disan Zezi-Kri, nou'n ganny sove, e par larises son lagras, nou bann pese in ganny pardonnen.

Efezyen 4:14

Alor, nou pou nepli parey bann zanfan ki ganny trennen par laroul, e pouse partou par nenport ki divan lansennyman ki dimoun rize i fannen pour antrenn lezot dan lerer.

Deterononm 32:6

Pep ensanse e fou! Konmsa ki ou remersye SENYER? Pa li ou papa ki'n kree ou, ki'n form ou e ki'n fer ou vin en pep?

Filipyen 3:19

Zot pe al ver zot prop pert. Zot vant i zot bondye; zot fyer pour sa ki ti devre fer zot onte; zot mazin zis bann keksoz materyel.

Kolosyen 2:18

Pa les zot ganny kondannen par dimoun ki pran plezir dan bann fo pratik limilite, ek ladorasyon bann lanz e ki fer vantar dan fo vizyon. Par zot mannyer panse ki tro imen, sa bann dimoun i ranpli avek lorgey san okenn rezon.

Kolosyen 2:8

Fer atansyon ki zot pa ganny atrape par bann fo largiman filozofik, ki pa fonde lo Kris, me lo lasazes imen, lo tradisyon zonm, ek bann lespri ki kontrol lemonn.

1 Timote 5:8

Sa enn ki pa pran swen son parante, sirtou son prop fanmir pros, i'n abandonn lafwa; i pir ki en non-krwayan.

2 Timote 4:3

Annefe, en letan pe vini, kan dimoun pou nepli siport lansennyman laverite; me zot pou swiv zot prop dezir. Zot pou rasanble en kantite ansennyan otour zot pour dir zot sa ki zot zorey i oule tande.

Let Pol pour bann Tit 1:11

Fodre ferm zot labous, akoz zot boulvers en kantite fanmir par bann keksoz ki zot pa devre ansennyen. Zot fer sa pour ganny larzan dan en fason malonnet.

Let Pol pour bann Tit 3:10

Kanta bann ki fer divizyon, donn zot enn oubyen de lavertisman; apre sa, met zot alekar.

Ebre 10:29

Alor, mazinen ki pou arive, avek sa enn ki mepriz Garson Bondye, ki konsider disan lalyans Bondye ki'n pirifye li, koman en keksoz san valer, e ki ensilte Lespri ki donn lagras! Pinisyon ki i merite pou sertennman pli sever.

1 Pyer 1:8

Zot kontan li, menm si zot pa'n zanmen war li. Zot krwar dan li, menm si zot pa ankor war li. Pour sa rezon, zot dan en lazwa si gran ki pa kapab ganny eksprimen par parol.

2 Pyer 2:3

Akoz zot lanmour pour larzan, sa bann dimoun pou eksplwat zot par bann fo rezonnman pour trik zot. Me zot zizman in pare pour zot depi lontan; zot kondannasyon pe esper zot, e zot destriksyon pa pe dormi.

1 Zan 2:26

Mon ti bezwen ekri zot lo size bann ki pe fer mannyer tronp zot.

1 Zan 4:1

Mon bann zanmi! Pa bezwen krwar tou sa bann ki pretann ki zot posed Lespri. Teste zot dabor pour konnen si sa lespri i sorti kot Bondye. Annefe, i annan bokou fo profet dan lemonn.

Let Zid 1:18

Zot ti dir: Dan dernyen letan, pou annan bann moker, ki pou viv dapre zot prop move dezir.

Let Zid 1:4

Annefe, i annan serten dimoun move ki'n antre sekretman parmi nou. Zot deform lansennyman konsernan lagras nou Bondye, pour zistifye zot lavi imoral. Zot rezet Zezi-Kri, nou sel Met e Senyer. Depi lontan, Lekritir in anons zot kondannasyon.

Revelasyon 13:14

Par sa bann mirak ki i ti'n ganny pouvwar fer dan prezans sa premye bebet, i ti tronp bann zabitan later. I ti demann zot fer en stati sa bebet ki ti'n ganny blese par lepe e ki'n reviv.

Revelasyon 2:13

Mon konnen kot ou reste: Lanmenm la kot tronn Satan i ete. Ou'n reste fidel pour mon non, e ou pa'n renye ou lafwa dan mwan, menm dan lepok kan Antipas, mon temwen fidel, ti ganny touye kot ou, la kot Satan i reste.

Revelasyon 2:9

Mon konn ou bann soufrans, ek ou mizer. Pourtan, ou ris. Mon konn dimal ki bann swadizan Zwif, me ki pa Zwif i dir lo ou. An realite, zot form en lasanble Satan.

Revelasyon 3:8

Mon konn ou bann aktivite. La mon'n plas devan ou en laport ouver ki personn pa kapab fermen. Ou napa bokou lafors, e pourtan, ou'n obei mon parol e ou pa'n renye mon non.

Revelasyon 5:9

Zot ti sant en nouvo kantik: Ou diny pour resevwar sa liv e kas son bann sele. Annefe, ou ti ganny egorze, e par ou disan, ou'n reaste pour Bondye, zonm dan tou ras, lalang, pep ek nasyon.

Revelasyon 6:10

Zot ti kriye avek en lavwa for: Ziska kan, Senyer sen e vre, ki ou pou tarde ziz e vanz nou disan lo bann zabitan later?