2 Pyer 1:4 - Labib An Kreol Seselwa

⁴ Par sa laglwar ek sa bann mervey, Bondye in donn nou bann gran promes ki presye e enportan. Konmsa, kan zot ava resevwar sa bann promes, zot ava kapab sorti dan sa lemonn pouri avek tou son bann move dezir, e pran par dan son laglwar.

2 Pyer 1:4 ပူးပေါင်းရင်းမြစ်များ

Romen 9:4

Zot fer parti pep Izrael: Bondye in fer zot vin son bann zanfan. In akord zot prezans son mazeste, bann lalyans, Lalwa, vre ladorasyon, bann promes.

2 Korentyen 1:20

Annefe, tou bann promes Bondye, zot trouv zot Wi dan Zezi-Kri. Pour sa rezon, par Zezi-Kri ki nou dir nou Amenn pour rann glwar Bondye.

2 Korentyen 3:18

Nou tou ki vwal i'n ganny tire lo nou figir, nou reflekte laglwar Senyer. Ensi, nou'n ganny transformen, pour viv parey Senyer. Nou sorti dan en laglwar pour al dan en laglwar bokou pli gran: Sa i travay Senyer ki li menm i Lespri.

2 Korentyen 6:17

Pour sa rezon, sorti parmi zot, e separe avek zot, Senyer i deklare. Pa tous okenn keksoz enpir, e mon ava resevwar zot.

Galat 3:16

Bondye ti fer son bann promes avek Abrahanm e avek son desandans. I pa ti dir: Avek son bann desandan, konmsi i annan plizyer. Me i ti refer avek en sel: Avek ou desandan, setadir Kris.

Galat 6:8

Sa enn ki senm sa ki fer plezir son natir imen, pou rekolte dapre son natir imen: Lanmor. Me si i senm sa ki fer plezir Lespri, i pou rekolte sa ki sorti kot Lespri: Lavi eternel.

Efezyen 4:13

Konmsa, ansanm nou pou kapab ariv dan linite nou lafwa e dan konnesans Garson Bondye; nou ava vin adilt, devlope pour vin parfe parey Kris.

Kolosyen 3:10

Zot in pran en nouvo natir: Natir zonm nouvo ki tou letan, Bondye son Kreater, pe renouvle dan vre konnesans pour nou resanble li parfetman.

Ebre 12:10

Nou bann zanset ti koriz nou pour en pti pe letan, dapre mannyer ki zot ti war bon. Me Bondye, i koriz nou pour nou prop byen, pour ki nou partisip dan son sentete.

Ebre 9:15

Pour sa rezon, Kris i medyater en nouvo lalyans, pour ki sa bann ki'n ganny apele, ava kapab resevwar leritaz eternel ki'n ganny promet. Par son lanmor, ras imen in ganny pardonnen zot fot ki zot ti komet kan zot ti anba premye lalyans. Alor, sa bann ki Bondye ti'n apele, ti kapab resevwar leritaz eternel ki ti'n ganny promet e ki ankor egziste.

Let Zak 1:27

La sa ki Bondye Papa i konsider koman en relizyon pir e san defo: Pran swen bann orfelen ek bann vev dan zot detres; pa les ou ganny sali par salte sa monn.

2 Pyer 1:1

Sa let i sorti kot Simon Pyer, en serviter e zapot Zezi-Kri, pour bann ki'n resevwar en lafwa osi presye ki pour nou, par lazistis nou Bondye e nou Sover Zezi-Kri.

2 Pyer 3:13

Me nou, dapre son promes, nou pe esper en nouvo lesyel ek en nouvo later kot pou annan lazistis.

2 Pyer 3:9

Nou Senyer pa pe tarde pour realiz son promes parey serten i mazinen, me i pran pasyans anver zot. Annefe, i pa oule ki personn i ganny detri, me ki tou dimoun i repantir.

1 Zan 2:25

Promes ki i'n fer nou, se lavi eternel.

1 Zan 3:2

Mon bann zanmi! Aprezan nou zanfan Bondye, e sa ki nou pou ete plitar pa ankor ganny revele. Me nou konnen ki kan Kris pou aparet, nou pou parey li, akoz nou pou war li parey i ete.