2 Pyer 1:16 - Labib An Kreol Seselwa

¹⁶ Annefe, nou pa'n baz nou lo bann fab konplike pour fer zot konn retour pwisan nou Senyer Zezi-Kri. Nou'n war son grander avek nou prop lizye.

2 Pyer 1:16 ပူးပေါင်းရင်းမြစ်များ

Malasi 3:2

Me lekel ki pou kapab reziste sa zour kan i vini? Lekel ki pou reste debout kan i pou aparet? Annefe, i pou parey dife ki fonder i servi pour netway metal, parey savon ki blansisez i servi.

Malasi 4:5

Gete: Mon pou anvoy zot profet Eli avan ki sa zour SENYER i vini, sa zour ki pou gran e terib.

Matye 16:27

Annefe, Fis-de-Lonm pou vini dan mazeste son Papa avek son bann lanz. I pou rekonpans sakenn dapre son bann aksyon.

Matye 16:28

Mon dir zot, sa i laverite: Parmi bann ki isi, serten pa pou mor, avan ki zot war Fis-de-Lonm vini koman en lerwa.”

Matye 17:1

Sis zour plitar, Zezi ti anmenn avek li Pyer, e de frer Zak ek Zan. I ti anmenn zot alekar lo en montanny.

Matye 24:27

Fis-de-Lonm pou vini parey zekler ki klate atraver lesyel depi Les ziska Was.

Matye 24:3

Zezi ti pe asize lo montanny Zolivye. Son bann disip ti vin kot li an prive e demann li, “Dir nou kan tousala pou arive; ki siny pou endik ou retour ek lafen lemonn?”

Matye 28:18

Zezi ti apros zot e dir zot, “Mon'n ganny tou pouvwar dan lesyel ek lo later.

Mark 13:26

Alor, zot ava war Fis-de-Lonm vini lo bann nyaz avek gran pwisans, e avek mazeste.

Mark 14:62

Zezi ti reponn, “Wi! Mwan menm; e zot pou war Fis-de-Lonm pe asiz lo kote drwat Bondye Toupwisan, e pe vini parmi bann nyaz dan lesyel.”

Levanzil dapre Lik 1:2

Sa i parey sa ki bann temwen ki ti la depi o konmansman i'n transmet nou. Zot in vin bann serviter pour anons laparol.

Levanzil dapre Lik 9:43

Tou dimoun ti vreman etonnen par grander Bondye. Tou dimoun ti dan letonnman lo tou sa ki Zezi ti'n fer. Alor, Zezi ti dir son bann disip,

Levanzil dapre Zan 1:14

Laparol in vin en et imen. I'n vin reste parmi nou. Nou'n war son laglwar; laglwar son sel Garson ki sorti kot Papa, ranpli avek lagras ek laverite.

Levanzil dapre Zan 17:2

Ou'n donn li pouvwar lo tou et imen pour donn lavi eternel tou sa bann ki ou'n donn li.

Romen 1:4

Me dapre Lespri Sen, i'n ganny manifeste koman Garson Bondye avek pwisans, kan i ti resisite.

1 Korentyen 1:17

Kris pa'n anvoy mwan pour batize, me pour anons Bonn Nouvel. In fer sa san servi gran diskour lasazes zonm, pour ki son lanmor lo lakrwa pa perdi son pwisans.

1 Korentyen 1:23

Kanta nou, nou anons Kris ki'n ganny krisifye, en mesaz skandal pour bann Zwif, en lafoli pour bann non-Zwif.

1 Korentyen 1:7

Konmsa, i pa mank zot okenn don sorti kot Bondye, pandan ki zot pe esper nou Senyer Zezi-Kri aparet.

1 Korentyen 2:1

Kan mon ti vin kot zot frer ek ser, mon pa ti vin anons plan sekre Bondye avek bann parol konplike, oubyen bann gran fraz lasazes.

1 Korentyen 2:4

Mon parol ek mon mesaz pa ti ganny anonse avek bann gran diskour ek lasazes imen, me avek en demonstrasyon pwisans Lespri Bondye.

1 Korentyen 5:4

Kan zot ava rasanble, mwan osi, mon pou prezan parmi zot annespri, e pwisans nou Senyer Zezi ava manifeste.

2 Korentyen 2:17

Nou pa parey sa kantite lezot dimoun ki fer komers avek Parol Bondye. O kontrer, akoz Bondye ki'n anvoy nou, nou koz avek senserite delapar Bondye, devan Bondye, ini avek Kris.

2 Korentyen 4:2

Nou'n fini rezet tou sa bann aksyon sekre oubyen ki fer onte. Nou pa fer nanryen pour tronp dimoun, e nou pa sanz Parol Bondye. O kontrer, nou montre laverite klerman. Nou fer tou pour ganny konfyans tou dimoun devan Bondye.

Efezyen 4:14

Alor, nou pou nepli parey bann zanfan ki ganny trennen par laroul, e pouse partou par nenport ki divan lansennyman ki dimoun rize i fannen pour antrenn lezot dan lerer.

Filipyen 3:21

Par sa pwisans ki met tou keksoz anba son lotorite, i pou transform nou lekor feb pour fer li vin parey son lekor glorye.

1 Tesalonisyen 2:19

Annefe, zis zot ki nou lesperans, nou lazwa ek nou kouronn ki rann nou fyer devan nou Senyer Zezi, kan i pou retournen.

2 Tesalonisyen 2:9

Sa pwisans move pou azir avek pwisans Satan. I pou fer toudsort mirak ek bann siny ekstraordiner pour tronp dimoun.

1 Timote 1:4

Dir zot aret krwar dan sa bann fab ek sa bann long lalis zanset. Tousala i plito anmenn diskisyon, e i pa ede realiz plan Bondye par lafwa.

1 Timote 4:7

Rezet bann zistwar bet ki kontrer avek lafwa; plito, disiplin ou pour viv en lavi sen avek Bondye.

Let Pol pour bann Tit 1:14

olye kontinyen ekout bann fab Zwif, ek komannman bann zonm ki'n abandonn laverite.

2 Pyer 2:3

Akoz zot lanmour pour larzan, sa bann dimoun pou eksplwat zot par bann fo rezonnman pour trik zot. Me zot zizman in pare pour zot depi lontan; zot kondannasyon pe esper zot, e zot destriksyon pa pe dormi.

1 Zan 4:14

E nou, nou'n war e nou proklanmen ki Bondye Papa in anvoy son Garson koman Sover lemonn.

Let Zid 1:14

Depi lontan, Henok, setyenm desandan Adan, i'n profetize lo zot size, kan i ti dir: Senyer pe vin avek son bann dizenn milye lanz sen.

Revelasyon 1:7

La i pe vini parmi bann nyaz, e tou dimoun pou war li; menm sa bann ki ti transpers li. Tou bann nasyon lo later pou lamante lo son size. Wi! Amenn.