2 Pyer 1:14 - Labib An Kreol Seselwa

¹⁴ Mon konnen ki byento mon pou kit sa lekor, parey nou Senyer Zezi-Kri in fer mwan konnen.

2 Pyer 1:14 ပူးပေါင်းရင်းမြစ်များ

Ezai 38:12

Mon'n ganny arase mon lavi e i ganny anvole parey latant en berze; mon lavi in ariv dan son bout konmsi en roulo latwal ki sorti lo masin; son bann difil in ganny koupe. Dan en sel zour, ou ava'n fini avek mwan.

Levanzil dapre Zan 13:36

Simon Pyer ti demann Zezi, “Senyer! Kote ou pe ale?” Zezi ti reponn li, “Kot mon pe ale, ou pa pou kapab swiv mwan. Me plitar ou ava swiv mwan.”

Akt de Zapot 20:25

Mon'n reste parmi zot pour pres Rwayonm Bondye. Me mon konnen aprezan ki personn pa pou war mon figir ankor.

2 Korentyen 5:1

Nou konnen annefe, si sa latant kot nou pe viv ladan lo later i ganny detri, nou annan dan lesyel en gran lakaz konstri par lanmen Bondye, pa par lanmen zonm, e ki eternel.

Deterononm 31:14

SENYER ti dir Moiz, “Letan ou lanmor pe aprose. Apel Zozye e vin prezant zot dan Latant Rankont, pour mwan donn li mon bann lord.” Alor, Moiz ek Zozye ti al prezant zot dan Latant Rankont.

2 Timote 4:6

Kanta mwan, ler in arive pour mwan ganny ofer an sakrifis; ler mon depar in arive.

Zozye 23:14

“Mwan, ozordi mon pe ale parey sor tou dimoun. Zot konnen, avek tou zot leker, avek tou zot et antye, ki okenn sa bann parol ki SENYER, zot Bondye ti prononse lo zot size pa'n reste san ganny akonpli; tou in realize lo zot; napa enn ki pa'n akonpli.

2 Pyer 1:13

Mon krwar i mon devwar, tan ki mon ankor vivan, rapel zot sa bann keksoz.