2 Pyer 1:11 - Labib An Kreol Seselwa

¹¹ Annefe, konmsa ki zot pou ganny drwa antre libreman dan rwayonm eternel nou Senyer e Sover Zezi-Kri.

2 Pyer 1:11 ပူးပေါင်းရင်းမြစ်များ

Psonm 145:13

Ou renny pa pou zanmen fini e ou pouvwar i dire pour touzour. SENYER i tenir tou son promes. I montre son labonte dan tou sa ki i fer.

Psonm 36:8

Kot ou, manze i annabondans; ou fer zot bwar dan larivyer ou labonte.

Kantik Salomon 5:1

Mon pti ser! Mon fiyanse! Mon'n vin dan mon zarden! Mon vin rekolte mon lamir ek mon zepis. Mon manz mon gof dimyel. Mon bwar mon diven ek mon dile. Zanmi! Manze! Bwar! Soul ou avek lanmour.

Ezai 35:2

I pou kouver avek fler. I pou sote, i pou sante e kriye avek lazwa. I pou ganny laglwar Liban ek labote montanny Karmel ek laplenn Saronn. Zot pou war laglwar SENYER, labote e grander nou Bondye.

Ezai 9:7

Son lotorite pou kontinyen grandi e lape pou rennyen pour touzour pour tronn David ek son rwayonm. I pou etabli son renny e rann li solid lo lalwa ek lazistis, apartir ozordi e pour touzour. SENYER liniver pou fer tousala akoz son gran lanmour.

Danyel 7:14

I ti resevwar lotorite, loner ek rwayote; tou bann pep, tou bann nasyon, dimoun ki sorti dan tou langaz ti servi li. Son pouvwar pou reste pour touzour. Son renny pa pou zanmen fini. Son rwayonm pa pou zanmen ganny detri.

Danyel 7:27

Rwayote, pouvwar ek grander dan tou bann rwayonm anba lesyel pou ganny donnen dan lanmen pep sen ki pour Bondye Toupwisan. Sa rwayonm pou dire pour touzour, e tou bann pwisans pou servi e obeir li.

Matye 25:34

Alor, lerwa pou dir avek sa bann lo son kote drwat: Vini, zot ki mon Papa in beni! Vin erit Rwayonm ki'n ganny prepare pour zot depi kreasyon lemonn.

Levanzil dapre Zan 10:10

Voler i vin zis pour vole, touye e detri. Mwan, mon'n vin pour zot ganny lavi, en lavi annabondans.

Romen 2:4

Oubyen, eski ou pa apresye gran labonte, pasyans ek zenerozite Bondye? Eski ou pa konnen ki labonte Bondye i devre anmenn sanzman dan ou lavi?

1 Korentyen 15:24

Apre sa, lafen tou keksoz pou arive, kan i pou remet larwayote dan lanmen Bondye, son Papa, apre ki i'n detri tou lotorite, tou pouvwar ek tou pwisans.

2 Korentyen 5:1

Nou konnen annefe, si sa latant kot nou pe viv ladan lo later i ganny detri, nou annan dan lesyel en gran lakaz konstri par lanmen Bondye, pa par lanmen zonm, e ki eternel.

Efezyen 3:20

Anver sa enn ki annan pouvwar fer bokou plis ki sa ki nou demande, oubyen mazinen, par son pwisans ki azir dan nou,

1 Timote 6:17

Pour bann ki posed larises dan sa monn, rekomann zot pa fer vantar. Dir zot pa met zot lesperans dan sa bann larises enserten, me dan Bondye ki donn nou tou keksoz annabondans pour nou zouir.

2 Timote 4:18

Senyer pou delivre mwan dan tou latak visye. I pou sov mwan pour son rwayonm dan lesyel. Laglwar i pour Bondye pour touzour e touzour! Amenn.

2 Timote 4:8

Dezormen, kouronn lazistis in ganny rezerve pour mwan, sa enn ki Senyer ki ziz avek lazistis pou donn mwan sa zour; pa zis mwan, me osi tou bann ki'n esper war son retour.

Ebre 6:17

Ensi, Bondye ti oule fer sir ki sa bann ki devre benefisye son promes, zot konpran klerman ki i pa pou zanmen retourn lo son desizyon. Alor, i ti konfirm sa promes par en serman.

2 Pyer 1:1

Sa let i sorti kot Simon Pyer, en serviter e zapot Zezi-Kri, pour bann ki'n resevwar en lafwa osi presye ki pour nou, par lazistis nou Bondye e nou Sover Zezi-Kri.

2 Pyer 1:5

Alor, fer tou zot zefor pour azout bonn kondwit avek zot lafwa, e avek bonn kondwit, vre konnesans Bondye.

2 Pyer 2:20

Annefe, i annan ki'n sape anba move lenfliyans lemonn, gras a konnesans nou Senyer e Sover Zezi-Kri. Me, si zot les zot reganny atrape e reganny anpaye, e ganny bate, zot kondisyon i vin pir ki avan.

2 Pyer 3:18

Kontinyen grandi dan lagras ek konnesans nou Senyer e Sover Zezi-Kri. Annou rann li glwar, aprezan e pour touzour! Amenn!

Revelasyon 3:21

Sa enn ki ganny laviktwar, mon pou met li asiz avek mwan lo mon tronn, parey mwan mon'n ganny laviktwar e mon'n asiz avek mon Papa lo son tronn.

Revelasyon 5:10

Ou'n fer zot vin en rwayonm pret pour servi non Bondye, e zot pou rennyen lo later.