2 Kronik 7:8 - Labib An Kreol Seselwa

⁸ Dan sa lepok, Salomon ti selebre lafet pandan set zour, ansanm avek pep Izrael antye. Zot ti'n desann pour sa gran rasanbleman sorti depi lantre Hamat dan Nor, ziska larivyer Lezip dan Sid.

2 Kronik 7:8 ပူးပေါင်းရင်းမြစ်များ

Zenez 15:18

Sa zour, SENYER ti fer son lalyans avek Abranm. I ti dir, “Mon pou donn ou desandans, sa pei antye, depi larivyer Lezip ziska gran larivyer Efrat.

1 Rwa 8:2

Pep Izrael antye ti rasanble kot lerwa Salomon pandan lafet dan mwan Etanim, ki setyenm mwan.

1 Rwa 8:65

Alor, Salomon ti profite pour selebre lafet avek pep Izrael antye ki ti'n rasanble, depi lantre Amat ziska larivyer Lezip. Zot ti fete pandan set zour devan SENYER Bondye.

2 Kronik 30:13

Dan dezyenm mwan lannen, en gran lafoul dimoun ti rasanble Zerizalenm pour selebre lafet dipen san lelven.

2 Kronik 30:26

Ti annan gran lazwa dan Zerizalenm, akoz depi Salomon, garson David, lerwa Izrael, pa ti'n zanmen annan en tel selebrasyon dan Zerizalenm.

2 Kronik 5:3

Alor, tou bann Izraelit ti rasanble otour lerwa pour lafet ki ti tonm dan setyenm mwan.

Ezekyel 45:25

Kenzyenm zour, dan setyenm mwan e pandan set zour lafet, i ava ofer sa menm sakrifis pour pese, sakrifis konplet, lofrann vezetal avek delwil.

Ezekyel 47:20

Lo kote Was, lanmer Mediterane ki ava servi frontyer depi Sid ziska Lebo-Hamat dan Nor. Sa i ava pour kote Was.

Amos 6:14

Me SENYER Bondye liniver i deklare: Pep Izrael! Mon pou anvoy en larme etranze ki pou fer ou santi son pouvwar. I pou kraz ou depi Lebo-Hamat dan Nor, ziska larivyer Araba dan Sid.

Levanzil dapre Zan 7:2

Koman lafet Zwif ki apel lafet bann Payot ti pros,