2 Kronik 7:6 - Labib An Kreol Seselwa

⁶ Bann pret ti pran zot pozisyon. Bann levit ti zwe an loner SENYER, lenstriman lanmizik ki lerwa David ti'n fer pour selebre SENYER: Akoz son fidelite i pour touzour. Bann pret ki ti anfas, ti sonn tronpet e tou pep Izrael ti lev debout.

2 Kronik 7:6 ပူးပေါင်းရင်းမြစ်များ

1 Kronik 13:8

David avek Izrael antye ti montre zot lazwa avek tou zot lafors devan Bondye; zot ti sante avek lakonpannyman lenstriman lanmizik: Lir, laarp, tanbouren, senbal ek tronpet.

1 Kronik 15:24

Bann pret Sebanya, Zozafat, Netaneel, Amasai, Zekarya, Benaya, ek Eliezer ti zwe tronpet devan Kof Lalyans Bondye. Obed-Edonm ek Yehiya ti osi portye pour Kof Lalyans.

1 Kronik 16:34

Loue SENYER, akoz i bon, e son fidelite i dire pour touzour!

2 Kronik 23:18

Apre, pret Yoyada ti plas bann pret levit parey David ti'n ordonnen pour vey lo tanp SENYER; en group pour ofer sakrifis konplet dan tanp, parey in ekri dan lalwa Moiz. I ti donn lord pour ki servis i deroul avek selebrasyon.

2 Kronik 29:25

Ezekyas ti plas bann levit dan tanp SENYER avek bann lenstriman lanmizik: Senbal, laarp ek lir. I ti swiv lareg ki David ek Gad, profet lerwa ek profet Natan, ti etabli dapre lord SENYER atraver son bann profet.

2 Kronik 29:27

Ezekyas ti donn lord pour konmans sakrifis konplet lo lotel. Ler seremoni ti konmanse, bann santer ti sant an loner SENYER, avek lakonpannyman bann lenstriman lanmizik David, lerwa Izrael.

2 Kronik 5:12

Bann levit ki ti mizisyen, Asaf, Hemann, Yedoutoun, zot bann garson, ek lezot manm lafanmir, abiye dan lenz latwal linenn, ti debout lo kote Les lotel avek zot lenstriman lanmizik: Senbal, laarp, ek lir, avek zot, ti annan 120 pret ki ti konn soufle tronpet.

2 Kronik 5:13

Bann santer, bann zwer tronpet ti zwenn ansanm dan larmoni, pour rann glwar e remersye SENYER: SENYER i bon; son fidelite i reste pour touzour. Sa ti ganny akonpannyen par bann son senbal avek lezot lenstriman lanmizik. Anmenmtan, en nyaz ti ranpli tanp SENYER.

2 Kronik 7:3

Kan pep Izrael ti war dife desann sorti dan lesyel, e laglwar prezans SENYER dan tanp, zot ti prosternen lafas ater e loue SENYER, akoz SENYER i bon e son fidelite i pour touzour.

2 Kronik 7:5

Lerwa Salomon ti ofer an sakrifis 22,000 bef ek 120,000 mouton. Konmsa ki lerwa ek tou lepep ti konsakre tanp Bondye.

Esdras 6:18

Zot ti etabli bann pret dapre zot klas ek bann levit dapre zot divizyon pour servis Bondye dan Zerizalenm, parey in ekri dan liv Moiz.

Psonm 106:1

Loue SENYER, akoz i bon, son fidelite i dire pour touzour.

Psonm 107:1

Remersye SENYER akoz i bon; akoz son fidelite i pour touzour.

Psonm 138:8

SENYER pou fer tou pour mwan. SENYER! Ou fidelite i dire pour touzour. Pa abandonn sa enn ki ou lanmen in fer.

Psonm 87:7

Ansanm, bann santer ek bann danser zot dir: Zerizalenm i landrwa kot nou reste.

Ezai 52:6

Pour sa rezon ki mon pep pou konnen lekel mwan; pour sa rezon, sa zour la, i pou konnen ki mwan ki pe koze: La mon pe vini!

Amos 6:5

Zot sante avek lakonpannyman laarp; parey David, zot envant bann nouvo lenstriman lanmizik.

Zozye 6:4

Set pret avek tronpet korn bouk, ava mars devan Kof lalyans. Setyenm zour, zot ava fer set letour lavil e bann pret ava soufle tronpet.