2 Kronik 5:2 - Labib An Kreol Seselwa

² Apre, Salomon ti rasanble otour li dan Zerizalenm, tou bann ansyen parmi pep Izrael, tou sef bann tribi, sef bann fanmir Izraelit, pour fer monte Kof Lalyans SENYER, sorti dan lavil David, setadir Siyon.

2 Kronik 5:2 ပူးပေါင်းရင်းမြစ်များ

2 Samyel 5:7

Me David ti kaptir fortres Siyon, ki ti apel lavil David.

2 Samyel 6:12

Zot ti rakont tousala lerwa David, “SENYER in beni fanmir Obed ek tou sa ki i posede, akoz Kof Bondye.” Alor, David ti al sers Kof SENYER kot Obed-Edonm, e anmenn li dan lavil David avek en gran selebrasyon.

1 Kronik 15:1

David ti konstri en lakaz pour li dan lavil David. I ti prepar en landrwa pour Kof Lalyans Bondye e i ti dres en latant pour met li.

1 Kronik 15:12

I ti dir zot, “Zot bann sef fanmir parmi bann Levit; pirifye zot ek zot bann frer pour zot kapab transport Kof Lalyans SENYER, Bondye Izrael, pour anmenn li dan sa landrwa ki mon'n prepare pour li.

1 Kronik 15:25

Avek lazwa, David ek bann ansyen parmi pep Izrael, ek bann sef 1,000, ti al sers Kof Lalyans SENYER kot lakaz Obed-Edonm.

1 Kronik 15:3

David ti rasanble pep Izrael antye Zerizalenm, pour transport Kof Lalyans SENYER dan son plas ki ti'n prepare pour li.

1 Kronik 16:1

Zot ti anmenn Kof Lalyans Bondye, e plas li dan latant ki David ti'n monte pour li. Zot ti ofer sakrifis konplet ek sakrifis lape devan Bondye.

1 Kronik 24:31

Zot osi, parey zot bann frer desandan Aaron, ti tir osor dan prezans lerwa David, pour determin lord servis Sadok ek Ahimelek ek bann sef fanmir pret ek bann Levit. Zot ti fer sa pour bann pli zenn parmi zot bann frer, parey pour bann sef fanmir.

1 Kronik 24:6

Sekreter Semaya, garson Netaneel, en Levit, ti ekri bann non dan prezans lerwa, bann sef, pret Sadok, Ahimelek, garson Abiatar, ek bann sef fanmir bann pret ek bann levit. En sef fanmir ti ganny swazir pour Eleazar ek enn pour Itamar.

1 Kronik 26:26

Selomit ek son bann frer ti ansarz tou bann trezor sakre, bann lobze konsakre pour Bondye, par lerwa David, par bann sef fanmir, par bann sef mil, bann sef san ek tou bann sef larme.

1 Kronik 28:1

David ti rasanble dan Zerizalenm, tou bann sef dan Izrael, bann sef tribi, bann sef bann divizyon ki servi lerwa, bann komandan 1,000, komandan 100, sa enn ki ti responsab bann propriyete ek bann troupo lerwa ek son bann zanfan, avek osi bann responsab pale, bann pwisan e vayan gerye.

2 Kronik 1:4

Me Kof Lalyans Bondye ti Zerizalenm, dan en latant ki lerwa David ti'n fer ler i ti retourn avek li sorti Kiryat-Yearim.

2 Kronik 5:1

Kan Salomon ti fini tou son travay lo tanp SENYER, i ti anmenn tou bann lobze ki lerwa David, son papa, ti'n konsakre pour SENYER. I ti plas larzan, lor ek tou lezot lobze dan kof tanp Bondye.

2 Kronik 5:12

Bann levit ki ti mizisyen, Asaf, Hemann, Yedoutoun, zot bann garson, ek lezot manm lafanmir, abiye dan lenz latwal linenn, ti debout lo kote Les lotel avek zot lenstriman lanmizik: Senbal, laarp, ek lir, avek zot, ti annan 120 pret ki ti konn soufle tronpet.

Psonm 2:6

Mwan ki'n etabli mon lerwa lo Siyon, mon montanny sen.

Psonm 87:2

SENYER i kontan lavil Siyon plis ki tou lezot lavil dan Izrael.

Levitik 9:5

Zot ti anmenn devan Latant Rankont tou sa ki Moiz ti'n demande. Alor, pep Izrael antye ti aprose e rasanble devan SENYER.

Nonm 10:33

Alor, lepep ti kit montanny SENYER pour en vwayaz trwa zour apye. Kof Lalyans SENYER ti al devan zot. I ti pran zot trwa zour pour rod en landrwa pour repoze.

Nonm 10:36

Sak fwa ki i ti aret en landrwa, Moiz ti dir: SENYER! Retourn parmi sa bann milye Izraelit.