2 Kronik 5:12 - Labib An Kreol Seselwa

¹² Bann levit ki ti mizisyen, Asaf, Hemann, Yedoutoun, zot bann garson, ek lezot manm lafanmir, abiye dan lenz latwal linenn, ti debout lo kote Les lotel avek zot lenstriman lanmizik: Senbal, laarp, ek lir, avek zot, ti annan 120 pret ki ti konn soufle tronpet.

2 Kronik 5:12 ပူးပေါင်းရင်းမြစ်များ

1 Kronik 13:8

David avek Izrael antye ti montre zot lazwa avek tou zot lafors devan Bondye; zot ti sante avek lakonpannyman lenstriman lanmizik: Lir, laarp, tanbouren, senbal ek tronpet.

1 Kronik 15:24

Bann pret Sebanya, Zozafat, Netaneel, Amasai, Zekarya, Benaya, ek Eliezer ti zwe tronpet devan Kof Lalyans Bondye. Obed-Edonm ek Yehiya ti osi portye pour Kof Lalyans.

1 Kronik 15:27

David ti met li en rob linenn, ensi tou ki bann Levit ki ti pe anmenn Kof Lalyans, bann santer ek Kenaya, sef lanmizik; David ti osi met en lefod fer avek latwal linenn.

1 Kronik 23:30

Zot ti bezwen prezan bomaten e aswar pour loue e glorifye SENYER,

1 Kronik 23:5

4,000 koman portye e 4,000 pour loue SENYER avek bann lenstriman lanmizik ki'n ganny fabrike spesyalman pour sa.”

1 Kronik 6:33

La bann zonm ki ti prezan, ansanm avek zot bann garson. Parmi bann Kehatit: Santer Hemann, garson Zoel, garson Samyel,

1 Kronik 6:39

Son frer Asaf ti lo son kote drwat; Asaf garson Berekya, garson Simea,

2 Kronik 29:25

Ezekyas ti plas bann levit dan tanp SENYER avek bann lenstriman lanmizik: Senbal, laarp ek lir. I ti swiv lareg ki David ek Gad, profet lerwa ek profet Natan, ti etabli dapre lord SENYER atraver son bann profet.

2 Kronik 29:26

Bann levit ti pran zot plas avek zot lenstriman lanmizik ki David ti'n fer fabrike, tandis ki bann pret ti pran plas avek zot tronpet.

2 Kronik 7:6

Bann pret ti pran zot pozisyon. Bann levit ti zwe an loner SENYER, lenstriman lanmizik ki lerwa David ti'n fer pour selebre SENYER: Akoz son fidelite i pour touzour. Bann pret ki ti anfas, ti sonn tronpet e tou pep Izrael ti lev debout.

Psonm 149:3

Loue son non avek ladans, avek tanbour, avek laarp; zwe bann lenstriman lanmizik pour loue son non.

Psonm 50:1

Bondye Toupwisan, SENYER Bondye in koze e i konvok later antye depi en bout later ziska lot.

Psonm 62:1

Zis Bondye ki fer mwan konn trankilite. Zis li tousel ki kapab sov mwan.

Psonm 68:25

Bann santer i mars devan, bann mizisyen deryer. Dan milye, bann zenn fiy pe zwe lo tanbouren.

Psonm 88:1

SENYER, Bondye mon Sover! Lizour, lannwit mon kriy ver ou.

Psonm 92:3

avek lenstriman lanmizik dis lakord, laarp ek lanmizik sitar.

Revelasyon 15:6

Sa set lanz ki ti pe tenir sa set fleo ti sorti dan Tanp. Zot ti'n abiye dan rob linenn blan klate, avek sentir annor otour zot leren.

Revelasyon 19:8

I'n ganny permisyon pour abiy dan linenn fen, klate e pir. Annefe, linenn fen i bann aksyon lazistis pep Bondye.