2 Kronik 5:1 - Labib An Kreol Seselwa

¹ Kan Salomon ti fini tou son travay lo tanp SENYER, i ti anmenn tou bann lobze ki lerwa David, son papa, ti'n konsakre pour SENYER. I ti plas larzan, lor ek tou lezot lobze dan kof tanp Bondye.

2 Kronik 5:1 ပူးပေါင်းရင်းမြစ်များ

2 Samyel 8:11

Lerwa David, ti konsakre sa bann lobze pour SENYER, parey i ti'n deza konsakre tou larzan ek lor ki i ti'n sezi avek tou bann nasyon ki i'n ranport laviktwar,

1 Rwa 7:39

I ti plas senk sipor avek zot basen lo kote drwat tanp e senk lo kote gos. I ti plas sa gran basen lo kote drwat tanp, ver Sides.

1 Rwa 7:51

Alor, tou travay ki Salomon ti'n fer pour tanp SENYER ti'n konplete. Salomon ti anmenn tou bann lobze annarzan, annor ki son papa David ti'n konsakre, e depoz zot dan tanp SENYER.

1 Kronik 18:11

David ti konsakre sa bann lobze pour SENYER, ansanm avek tou larzan ek lor ki i ti'n sezi avek bann pep Edonm, Moab, Amonit, Filisten ek Amalesit.

1 Kronik 22:14

Mon'n donn bokou lapenn pour fer bann preparasyon pour tanp SENYER: 3,000 tonn lor, 30,000 tonn larzan, san kont bronz ek fer ki an tro gran kantite pour peze. Mon'n prepar osi dibwa ek ros e ou ava kapab azout ankor.

2 Kronik 4:22

bann tennywar lalanp, bol pour met disan, lansanswar, plak pour anmenn labrez, ti osi annor pir. Bann laport Tanp ek bann laport ki al dan Lasal Tre Sen ti osi kouver annor.