2 Kronik 32:7 - Labib An Kreol Seselwa

⁷ Pran kouraz e reste byen for! Pa per lerwa Asiriyen avek son gran larme; sa enn ki avek nou, i pli for ki zot.

2 Kronik 32:7 ပူးပေါင်းရင်းမြစ်များ

2 Rwa 18:30

Pa les Ezekyas fer zot met zot konfyans dan SENYER kan i dir: SENYER pou delivre zot. Sa lavil pa pou ganny livre dan lanmen lerwa Asiri.

2 Rwa 18:5

I ti met son konfyans dan SENYER, Bondye Izrael. Parmi tou bann lerwa Zida, ki ti apre, oubyen avan li, ti napa personn parey li.

2 Rwa 6:16

I ti reponn, “Pa per! Sa ki lo nou kote i plis ki sa ki lo zot kote.”

1 Kronik 22:13

Si ou respekte e met an pratik tou bann lalwa ek regleman ki SENYER in donn Moiz pour Izrael, ou ava reisi. Reste for, pran kouraz e pa per; pa les lafreyer pran ou.

1 Kronik 28:10

Fer atansyon aprezan, akoz SENYER in swazir ou pour konstri en lakaz koman son sanktyer. Pa per pour azir.

1 Kronik 28:20

David ti dir ankor avek son garson Salomon, “Reste for, pran kouraz e azir. Pa bezwen ni per, ni dekouraze, akoz SENYER Bondye, mon Bondye i avek ou. I pa pou les ou tonbe, i pa pou abandonn ou, tan ki bann travay pour servis dan Tanp SENYER pa ankor fini.

2 Kronik 15:7

Me zot, montre zot for. Pran kouraz, akoz zot zefor pou ganny rekonpanse.

2 Kronik 16:7

Dan sa letan, profet Anani ti al war lerwa Asa. I ti dir li: Akoz ou'n met ou konfyans dan lerwa Siri olye lo SENYER, ou Bondye; larme Siri in sape anba ou kontrol.

2 Kronik 20:15

Yazyel ti dir: Pep Zida ek zabitan Zerizalenm, e osi lerwa Zozafat! Ekoute! La sa ki SENYER i deklare: Pa bezwen per, pa les sa gran larme fer ou per, akoz Bondye ki pou konbat pour ou.

2 Kronik 20:17

Zot pa bezwen atake; zis pran pozisyon e espere. Zot ava war kot SENYER i ranport laviktwar pour zot. Pep Zida ek pep Zerizalenm! Pa per. Pa bezwen per. Sorti demen e al atak zot. Mwan SENYER, mon pou avek zot.

Nehemi 4:8

Zot ti fer konplo ansanm pour vin atak Zerizalenm e fer dega dan lavil.

Psonm 118:8

I preferab rod proteksyon dan SENYER ki met konfyans dan en zonm.

Ezai 35:4

Al dir sa bann ki leker i ranpli avek lafreyer: Reste for! Pa bezwen per! La ou Bondye! I pe vin vanz pour ou, pour rann ou bann lennmi tou dimal ki zot in fer ou. I pou vin sov ou.

Zeremi 42:11

Aprezan, pa bezwen per lerwa Babilonn! Pa bezwen per li, akoz mon avek zot e mon pou sov zot, SENYER i deklare. Mon avek zot, mon pou delivre zot anba son pouvwar.

Danyel 10:19

I ti dir mwan, “Pa per, ou ki Bondye i kontan, reste trankil! Reste for! Pran kouraz!” Letan i ti pe koz avek mwan, mon ti reganny lafors e mon ti dir, “Koze, mon senyer, ou'n redonn mwan lafors.”

Zakari 4:6

I ti dir mwan, “La parol SENYER pour Zorobabel: Pa par pwisans, ni par lafors, me par mon lespri, SENYER liniver ki deklare.

Zakari 8:23

La sa ki SENYER liniver i deklare: Dan sa bann letan, dis etranze ki koz diferan langaz, pou vin anpandan avek en Zwif. Zot pou atrap son lenz e dir li: Nou oule vin avek ou, nou'n tande ki Bondye i avek ou.

Zakari 8:9

La sa ki SENYER liniver i deklare: Pran kouraz, zot ki ozordi pe antann sa bann parol ki bann profet ti prononse zour kan fondasyon tanp SENYER liniver, ti ganny poze.

Romen 8:31

Ki nou kapab dir ankor? Si Bondye i pour nou, lekel ki pou kapab kont nou?

Efezyen 6:10

Anfen, pran ou lafors dan linyon avek Senyer e dan son gran pwisans.

Deterononm 20:1

Ler ou sorti pour al lager kont ou bann lennmi e ou ava war en kantite seval ek kales lager, en larme pli gran ki pour ou, ou napa nanryen pour per, akoz SENYER, ou Bondye ki'n fer ou sorti Lezip, i avek ou.

Deterononm 31:23

Answit, SENYER ti donn son bann lord Zozye, garson Noun: Reste for e pran kouraz, akoz ou pou kondwir bann Izraelit dan pei ki mon ki promet zot par serman; mon pou avek ou.

2 Timote 2:1

Alor ou, mon garson, pran ou lafors dan lagras ki sorti kot Zezi-Kri.

1 Zan 4:4

Me zot, mon bann zanfan! Zot pour Bondye e zot in ranport laviktwar lo bann fo profet, akoz sa enn ki dan zot, i pli gran ki sa enn ki dan lemonn.