2 Kronik 2:5 - Labib An Kreol Seselwa

⁵ Sa tanp ki mon pou konstri i devret gran, akoz nou Bondye i pli gran ki tou lezot bondye.

2 Kronik 2:5 ပူးပေါင်းရင်းမြစ်များ

1 Rwa 8:27

Me eski Bondye pou vreman reste lo later? Menm lesyel dan tou son grander, pa kapab kontenir ou; alor ankor mwen, sa lakaz ki mon'n konstri.

1 Rwa 9:8

Sa lakaz pou tonm anrin; tou sa ki pou pas par la pou sirprann, soufle avek letonnman. Zot ava dir: Akoz SENYER in azir konmsa kont sa pei ek sa Lakaz?

1 Kronik 16:25

SENYER i gran e merit ganny loue. I pli terib ki tou lezot bondye.

1 Kronik 29:1

Lerwa David ti dir avek lasanble antye: Mon garson Salomon, ki SENYER in swazir, i zenn e i mank leksperyans. Me sa travay i gran; sa batiman pa pour en imen, me pour SENYER Bondye.

1 Kronik 29:14

Me mwan, mon en nanryen ditou, e mon pep osi pa vo nanryen. Nou pa kapab ofer ou sa lofrann volonter. Annefe, tou sa ki egziste i sorti kot ou e sa ki nou'n donn ou i sorti kot ou.

2 Kronik 2:9

Zot ava prepar en kantite dibwa pour mwan, akoz sa gran lakaz ki mon pe konstri pou en mervey.

2 Kronik 29:11

Kanta zot, mon bann garson, aret montre neglizans; SENYER in swazir zot pour debout dan son prezans, pour servi li e ofer li lansan.

2 Kronik 6:18

Me eski Bondye pou vreman reste avek bann imen lo later? Lesyel pli o, pa kapab kontenir ou. Koman alor, sa lakaz ki mon'n fer, pou kapab kontenir ou?

Psonm 135:5

Mwan, mon konnen ki SENYER i gran; nou SENYER i par lao tou lezot bondye.

Psonm 145:3

SENYER i gran; i merit ganny tou louanz. Son grander i san limit.

Psonm 148:4

Loue li! Lesyel ki lao e bann delo ki par lao lesyel.

Egzod 15:11

Lekel parmi bann bondye ki parey ou, SENYER? Lekel ki parey ou, e briye avek sentete, e ki fer bann mervey?

Egzod 18:11

Aprezan, mon konnen ki SENYER i pli gran ki tou bann bondye, akoz in delivre son pep dan lanmen bann Ezipsyen ki ti pe maltret zot avek larogans.”

Ezai 66:1

La sa ki SENYER i deklare: Lesyel i mon tronn e later i la kot mon poz mon lipye. Ki kalite lakaz zot pou konstri pour mwan? Kote zot pou fer mwan repoze?

Zeremi 10:6

SENYER! Napa personn parey ou. Ou gran e ou non i gran e pwisan.

Ezekyel 7:20

Zot ti fer vantar akoz zot labote ek zot larises; zot in servi pour fer zot bann stati degoutan ek lezot lobze degoutan. Alor, mwan SENYER, mon'n fer zot larises vin degoutan pour zot.

1 Timote 6:15

Son retour pou realize dan letan fikse par Bondye, sel Souvren, Lerwa tou lerwa e Senyer tou senyer.