2 Kronik 17:12 - Labib An Kreol Seselwa

¹² Alor, Zozafat ti vin deplizanpli for. I ti fer konstri dan Zida bann lavil fortifye ek bann lavil rezerv pour provizyon.

2 Kronik 17:12 ပူးပေါင်းရင်းမြစ်များ

1 Kronik 29:25

SENYER ti fer Salomon vin en gran lerwa devan pep Izrael. I ti fer son renny ranpli avek mervey ki okenn lerwa avan li dan Izrael pa'n zanmen konnen.

2 Kronik 17:11

Bann Filisten ti anmenn kado pour li, e gran kantite lobze annarzan pour zot taks. Bann Arab osi ti anmenn 7,700 mouton ek 7,700 kabri.

2 Kronik 17:13

I ti etabli bann lavil pour provizyon dan Zida, an gran kantite. I ti plas osi en kantite gerye vayan dan Zerizalenm.

2 Kronik 18:1

Zozafat ti vin tre ris e i ti ganny byen respekte. Son fanmir ti ini avek fanmir Akab par maryaz.

2 Kronik 26:10

I ti konstri tour geter dan dezer e fouy en kantite pwi, akoz i ti annan bokou zannimo dan bann bafon e dan laplenn. I ti anploy labourer pour kiltiv son bann plantasyon, plantasyon rezen e dan bann kolin e dan bann landrwa fertil, akoz i ti kontan kiltiv later.

2 Kronik 27:4

I ti konstri bann lavil dan rezyon montanny Zida, bann miray fortifye ek bann tour dan lafore.

2 Kronik 32:5

Avek determinasyon, Ezekyas ti fer rekonstri miray lavil kot ti'n kase. I ti fer konstri bann tour ek en lot miray an deor. Dan lavil David, i ti fer ranforsi miray an deor; i ti fer fabrik en kantite lans ek boukliye.

Egzod 1:11

Alor, bann Ezipsyen ti apwent bann sirveyan sever pour kraz zot avek travoforse. Konmsa ki bann Izraelit ti konstri lavil Pitonm ek Ranmses pour gard rezerv manze pour Faraon.