2 Kronik 16:9 - Labib An Kreol Seselwa

⁹ SENYER i pronmnen son regar partou lo later pour soutenir bann ki zot leker i konpletman atase avek li. Me la, ou'n azir dan en fason stipid e apartir sa moman, ou bann lennmi pou deklar lager kont ou.

2 Kronik 16:9 ပူးပေါင်းရင်းမြစ်များ

Zenez 31:28

Ou pa'n ni les mwan anbras mon bann garson ek mon bann fiy, ni dir zot orevwar. Ou'n azir dan fou.

2 Samyel 24:10

David ti santi son leker bate, apre ki i ti'n fer resansman lepep. I ti dir SENYER, “Mon'n komet en gran pese par fer sa resansman. Aprezan, SENYER, mon demann ou pardonn mwan pour sa fot ki mwan ou serviter, mon'n komet, akoz mon'n azir koman en fou.”

1 Rwa 15:32

Pandan tou zot lavi, ti annan lager ant Asa ek Baasa lerwa Izrael.

2 Rwa 20:3

“Pitye SENYER! Mon sipliy ou, rapel koman mon ti swiv ou e mars devan ou avek fidelite e avek tou mon leker pour fer sa ki fer ou plezir.” Ezekyas ti pler en kantite.

1 Kronik 21:8

Alor David ti dir Bondye, “Mon'n komet en pese grav par sa aksyon. Pardonn mwan pour sa gran fot ki mwan, ou serviter, i'n komet. Mon'n azir koman en fou.”

2 Kronik 15:17

Asa ti met tou son leker dan servis Bondye. Malgre sa, bann landrwa sakre pa ti disparet dan Izrael.

2 Kronik 15:19

Ti nepli annan lager ziska trannsenkyenm lannen renny Asa.

2 Kronik 16:10

Asa ti ankoler avek sa profet; i ti fer ansenn li dan prizon. I ti ankoler akoz parol profet Hanani. Dan sa letan i ti osi vin kriyel anver serten dimoun dan pei.

2 Kronik 19:9

I ti ordonn zot, “Dan tou, azir avek respe pour SENYER, avek fidelite e avek tou ou leker.

2 Kronik 6:20

Gard ou lizye ouver, e gard ou regar touzour fikse lo ou tanp, lizour koman aswar; ekout mon lapriyer, la kot ou'n dir ou pou touzour prezan.

Esdras 5:5

Me Bondye ti pe vey lo bann ansyen Zwif. Zot pa ti fer aret travay, avan ki zot ganny en larepons sorti kot Dariis, kot ki zot ti'n ekri, lo sa size.

Liv Zob 28:24

Annefe, son regar i ariv ziska dan bout later; i war tou sa ki anba lesyel.

Liv Zob 31:4

Pa i war tou mon konportman e kont sak lepa ki mon fer?

Liv Zob 34:21

Annefe, lizye Bondye i swiv tou sa ki en zonm i fer e i war tou lepa ki i fer.

Psonm 113:6

Depi lao, i bese pour li war lesyel ek later.

Psonm 33:14

Lo son tronn kot in asiz, i obzerv tou bann zabitan later.

Psonm 33:15

Li menm ki'n form zot leker. Alor, i konn tou sa ki zot fer.

Psonm 33:18

Me SENYER i vey lo sa enn ki annan respe pour li; lo sa enn ki'n met son konfyans dan li,

Psonm 34:15

Lizye SENYER i fikse lo bann zis. Son zorey i ouver pour ekout zot ler zot kriye.

Psonm 37:37

Obzerv byen en dimoun onnet; get sa enn ki senp e drwat. Sa enn ki kontan lape pour viv lontan.

Proverb 15:3

Lizye SENYER i partou; i obzerv dimoun bon koman move.

Proverb 5:21

Annefe, SENYER i war tou sa ki zonm i fer; i egzamin tou zot aksyon.

Ezai 31:1

Maler pour sa bann ki desann Lezip pour rod led! Zot kont lo bann seval; zot met zot konfyans dan bann kales lager akoz i annan en kantite e dan bann kavalye, akoz zot tre for. Me zot pa lev lizye ver Bondye Sen Izrael ni konsilte SENYER!

Zeremi 16:17

Mon war byen tou sa ki zot fer. Nanryen pa sap mwan; i kler ki zot koupab.

Zeremi 32:19

Ou bann proze i gran; ou realiz zot avek pwisans. Ou port bokou latansyon lo tou sa ki dimoun i fer; ou tret sakenn zot dapre son kondwit e dapre fri son bann aksyon.

Zeremi 5:1

Zabitan Zerizalenm! Patrol dan bann lari lavil! Ouver zot lizye! Gete dan bann plas piblik! Gete si zot war en sel dimoun ki fer sa ki drwat e ki esey reste fidel anver Bondye. Si ou reisi, alor SENYER ava pardonn Zerizalenm.

Zeremi 5:21

Ekout mwan byen, pep tro bet pour konpran. Ou annan lizye, me ou pa war. Ou annan zorey, me ou pa tande.

Zeremi 5:3

I vre, SENYER: Laverite ki enteres ou! Ou'n pini zot, me pa fer zot nanryen. Ou'n preski detri zot; me zot in refize aprann. Zot in fer latet; zot refize retourn kot ou.

Zakari 4:10

Sa enn ki'n mepriz letan bann pti keksoz, pou kontan kan i pou war sa pyer fondasyon dan lanmen Zorobabel! Sa set lalanp se lizye SENYER ki eksplor later antye.”

Matye 5:22

Me mwan mon dir zot: Sa enn ki pran lakoler kont son frer, pou ganny zize. Sa enn ki ensilte son frer, pou ganny zize devan tribinal. Sa enn ki tret son frer: Fou, pou ganny pini dan dife lanfer.

Levanzil dapre Lik 12:20

Me Bondye ti dir li: Enbesil! Tanto menm ou pou bezwen rann kont ou lavi. Lekel ki pou ganny tou sa ki ou'n anmase?”

1 Korentyen 15:36

Bann fou! En lagrenn ki ou senmen pa viv, si i pa mor.

Galat 3:1

Bann Galat fou! Lekel ki'n zet sor lo zot? Pourtan, zot in ganny en deskripsyon kler lo Zezi-Kri ki'n ganny krisifye.

Ebre 4:13

Napa nanryen dan kreasyon ki kapab reste kasyet devan Bondye. Kreasyon antye i ekspoze devan lizye sa enn avek ki nou bezwen rann kont.

1 Pyer 3:12

Annefe, lizye Senyer i fikse lo bann zis. Son zorey i ouver pour ekout zot lapriyer. Me vizaz Senyer i tourn kont bann ki fer sa ki mal.

1 Samyel 13:13

Samyel ti dir Sail, “Ou'n azir parey en fou; ou pa'n gard komannman SENYER ou Bondye, parey i ti ordonn ou. SENYER ti pou etabli ou pour touzour koman lerwa Izrael.