2 Kronik 15:9 - Labib An Kreol Seselwa

⁹ I ti rasanble zabitan Zida ek Benzamen, e ti annan bokou ki ti sorti dan Efraim, Manase, Simeon; en gran kantite Izraelit ti zwenn avek zot, ler zot ti'n remarke ki SENYER, son Bondye ti avek zot.

2 Kronik 15:9 ပူးပေါင်းရင်းမြစ်များ

Zenez 26:28

Zot ti dir, “Nou oblize aksepte ki SENYER i avek ou. Alor, nou pe dir ki ti ava bon annan en lalyans ant ou ek nou. Annou fer en lalyans:

Zenez 39:3

Son met ti war ki SENYER ti avek li, e ki SENYER ti fer li reisi dan tou sa ki i ti antreprann.

1 Rwa 12:19

Konmsa ki ziska ozordi, pep Izrael in revolte kont lafanmir David.

1 Rwa 3:28

Pep Izrael antye ti antann sa zizman ki lerwa ti'n donnen; zot ti ranpli avek respe pour li. Zot ti rekonnet ki annefe, Bondye in donn li lasazes pour rann lazistis.

1 Kronik 12:19

Serten bann zonm sorti dan tribi Manase ti zwenn lo kote David ler, ansanm avek bann Filisten, i ti al fer lager kont Sail. Me i pa ti ed zot akoz bann sef Filisten ti ganny konseye pour fer David ale. Zot ti dir: Nou krwar i pou abandonn nou pour al lo kote son sef Sail.

2 Kronik 11:16

Me ti annan osi bann ki ti sorti dan diferan tribi Izrael, bann ki ti'n deside servi SENYER, Bondye Izrael avek tou zot leker, pour swiv bann levit. Zot ti vin Zerizalenm pour ofer sakrifis pour SENYER, Bondye zot zanset.

2 Kronik 15:10

Zot tou, zot ti rasanble dan Zerizalenm, dan trwazyenm mwan, dan kenzyenm lannen renny Asa.

2 Kronik 19:4

Zozafat ti enstal li Zerizalenm. Apre, i ti rekonmans vwayaze parmi zabitan son prop pei, depi Berseba ziska dan rezyon montanny Efraim. I ti fer zot retourn ver SENYER, Bondye zot zanset.

2 Kronik 30:25

Tou dimoun dan Zida ti selebre dan lazwa, ansanm avek bann pret ek bann levit, bann Izraelit ki ti'n sorti dan rwayonm Nor, menm bann ki ti'n vin enstal zot dan teritwar Zida.

Ezekyel 37:16

Ou ki en imen, pran en morso dibwa e ekri lo la: Pour Zida ek bann Izraelit ki asosye avek li. Pran en lot morso dibwa e ekri lo la: Pour Zozef, dibwa Efraim e pour pep Izrael antye ki asosye avek li.

Akt de Zapot 9:31

Antretan, Legliz dan Zide, dan Galile e dan Samari antye, ti pe viv anpe. I ti vin solid; i ti devlope, e soumi dan respe pour Senyer; i ti ogmante gras a led Lespri Sen.

1 Samyel 18:28

Sail ti remarke ki SENYER ti avek David. Mikal, fiy Sail ti kontan David.