2 Kronik 14:4 - Labib An Kreol Seselwa

⁴ I ti ordonn bann zabitan Zida pour servi SENYER, Bondye zot bann zanset, e obei son bann komannman e pratik son lalwa.

2 Kronik 14:4 ပူးပေါင်းရင်းမြစ်များ

Zenez 18:19

Annefe, mon'n swazir li, pour li ansenny son bann zanfan ek son desandans apre li, pour zot gard komannman SENYER dapre lazistis ek ladrwatir. Konmsa, SENYER ava akonpli sa ki i'n promet Abrahanm.”

2 Kronik 11:16

Me ti annan osi bann ki ti sorti dan diferan tribi Izrael, bann ki ti'n deside servi SENYER, Bondye Izrael avek tou zot leker, pour swiv bann levit. Zot ti vin Zerizalenm pour ofer sakrifis pour SENYER, Bondye zot zanset.

2 Kronik 14:3

I ti fer disparet bann lotel lezot bondye ek bann landrwa sakre. I ti kraz zot ros pilye e koup zot bann ros sakre.

2 Kronik 14:5

I ti osi fer detri bann landrwa sakre ek bann lotel lansan dan tou bann lavil Zida. Dan sa letan ki i ti lerwa, son rwayonm ti dan trankilite.

2 Kronik 29:21

Alor, zot ti anmenn avek zot set toro, set mouton mal, set zenn mouton, ek set bouk koman sakrifis pour pese, pour lafanmir rwayal, pour sanktyer e pour pep Zida. Lerwa ti ordonn bann pret, desandan Aaron pour ofer sakrifis lo lotel SENYER.

2 Kronik 29:27

Ezekyas ti donn lord pour konmans sakrifis konplet lo lotel. Ler seremoni ti konmanse, bann santer ti sant an loner SENYER, avek lakonpannyman bann lenstriman lanmizik David, lerwa Izrael.

2 Kronik 29:30

Lerwa Ezekyas ek bann sef ki ti avek li, ti donn lord bann levit pour sant ankor an loner SENYER, bann kantik David ek profet Asaf. Zot tou, zot ti sante avek lazwa; zot ti prosternen.

2 Kronik 30:12

Dan rwayonm Zida osi, Bondye ti avek bann zabitan pour gard zot ini e dakor pour obei lord ki lerwa ek bann sef in donnen dapre parol SENYER.

2 Kronik 30:19

ki pe vin avek tou zot leker ver ou, SENYER, Bondye zot zanset, menm si zot pa pir parey lalwa sanktyer i egzize.

2 Kronik 33:16

I ti osi rekonstri lotel SENYER, kot i ti ofer sakrifis lape ek rekonesans. I ti demann pep Zida pour ador SENYER, Bondye Izrael.

Nehemi 13:9

Mon ti donn lord pour pirifye sa lasal, e fer retourn bann istansil tanp Bondye, bann lofrann vezetal ek lansan.

Psonm 119:10

Mon rod ou avek tou mon leker; pa les mwan egare lwen avek ou komannman.

Amos 5:4

La sa ki SENYER i deklare avek pep Izrael: Swiv mwan, ou ava viv.

Zozye 24:15

Si zot pa oule servi SENYER, swazir ozordi ki lekel ki zot oule servi: Swa bann bondye ki zot zanset ti adore lot kote larivyer Efrat, swa bann bondye pei bann Amorit kot zot pe reste. Mwan ek mon fanmir, nou pou servi SENYER.

1 Samyel 3:13

Mon'n deza averti li ki mon pou pini son fanmir pour touzour, pour bann krim ki i konnen. Son bann garson in ensilte Bondye; li i ti konnen, me i'n soutir zot.