2 Kronik 14:3 - Labib An Kreol Seselwa

³ I ti fer disparet bann lotel lezot bondye ek bann landrwa sakre. I ti kraz zot ros pilye e koup zot bann ros sakre.

2 Kronik 14:3 ပူးပေါင်းရင်းမြစ်များ

Zenez 18:19

Annefe, mon'n swazir li, pour li ansenny son bann zanfan ek son desandans apre li, pour zot gard komannman SENYER dapre lazistis ek ladrwatir. Konmsa, SENYER ava akonpli sa ki i'n promet Abrahanm.”

2 Rwa 18:4

I ti fer disparet bann landrwa sakre, koup bann poto sakre e kraz an morso serpan an bronz ki Moiz ti'n fer, akoz ziska aprezan, pep Izrael ti pe bril lansan devan li. Zot ti pe apel li Nehoustann.

2 Rwa 23:14

I ti kraz bann kolonn sakre, koup bann poto sakre Asera e ranpli landrwa kot zot ti ete avek lezo imen.

2 Rwa 23:6

I ti tir dan tanp SENYER, poto sakre Asera ki i ti anmenn an deor Zerizalenm. Zot ti bril li dan vale Sedron, ziska ki i ti vin lasann ki i ti zet dan lafos kot dimoun ordiner i ganny antere.

2 Kronik 14:2

Asa ti fer sa ki drwat e byen; i ti fer plezir SENYER, son Bondye.

2 Kronik 14:4

I ti ordonn bann zabitan Zida pour servi SENYER, Bondye zot bann zanset, e obei son bann komannman e pratik son lalwa.

2 Kronik 15:17

Asa ti met tou son leker dan servis Bondye. Malgre sa, bann landrwa sakre pa ti disparet dan Izrael.

2 Kronik 33:16

I ti osi rekonstri lotel SENYER, kot i ti ofer sakrifis lape ek rekonesans. I ti demann pep Zida pour ador SENYER, Bondye Izrael.

2 Kronik 34:4

Zozyas ti fer demoli devan li tou bann lotel Baal e anmenmtan kraz bann lotel lansan ki ti lo la. I ti koup bann poto sakre e kraz bann stati. Tousala ti ganny brile e lasann ti ganny fannen lo latonm bann pret ki'n ofer sakrifis.

Egzod 34:13

Ou ava detri zot bann lotel, kas zot bann pilye e koup zot bann ros sakre.

Levitik 26:30

Mon pou detri zot bann landrwa sakre e fer disparet zot bann lotel lansan. Mon pou met zot kadav an ta lo kadav zot bann zidol. Mon pou annan degou pour zot.

Deterononm 7:25

Ou ava bril zot bann stati ek zot bann bondye. Pa les ou ganny tante par larzan oubyen lor ki kouver zot, akoz zot kapab vin en pyez pour ou; zot degoutan devan SENYER, ou Bondye.

Deterononm 7:5

Me la ki mannyer ou pou azir avek sa bann nasyon: Demoli zot bann lotel, kraz zot bann ros sakre, kas zot bann ros sakre, bril zot bann stati.