2 Kronik 13:7 - Labib An Kreol Seselwa

⁷ Me sa bann zans bonnaryen, bann bandi ki ti avek li, ti pli for ki Roboanm, garson Salomon. Roboanm ki ti ankor zenn e san leksperyans, pa ti kapab reziste zot.

2 Kronik 13:7 ပူးပေါင်းရင်းမြစ်များ

2 Samyel 3:39

Ozordi, menm mwan, lerwa, mon war bann garson Serouya, tro vyolan. SENYER li menm pou pini bann malfeter pour zot krim!”

1 Rwa 21:10

Met de zonm bonnaryen an fas avek li, ki ava akiz li: Ou'n modi Bondye ek lerwa. Apre, anmenn li deor e saboul li avek ros ziska ki i mor.

1 Rwa 21:13

De zonm san moralite ti asiz an fas avek li; zot ti akiz Nabot an prezans lepep. Zot ti dir, “Nabot in modi Bondye ek lerwa.” Alor, zot ti anmenn li deor lavil, e zot ti saboul li avek ros ziska ki i ti mor.

2 Kronik 10:16

Kan pep Izrael antye ti war ki lerwa pa pare pour ekout zot, zot ti reponn lerwa: Ki par nou annan avek David! Nou napa nanryen avek garson Zese! Pep Izrael! Annou retourn dan nou latant. David! Okip ou prop zafer! Alor, pep Izrael, zot ti retourn se zot, dan zot latant.

2 Kronik 12:13

Roboanm ti vin lerwa dan Zerizalenm laz 41 an. I ti etabli li solidman koman lerwa pandan 17 an, dan Zerizalenm, lavil ki SENYER ti'n swazir parmi tou bann tribi Izrael, pour li montre son prezans. Manman Roboanm ti en Amonit ki ti apel Naama.

Liv Zob 30:8

Zot ti parey bann fou, bann bonnaryen, ki ti'n ganny sase dan pei.

Psonm 26:4

Mon pa frekant dimoun ki tronp lezot; mon pa'n antre dan lakaz dimoun ipokrit.

Proverb 12:11

Sa enn ki kiltiv son later i annan bokou pour manze; sa enn ki fer bann rev initil i mank larezon.

Proverb 28:19

Sa enn ki kiltiv later, pa pou mank dipen; me sa enn ki kiltiv bann rev, pou reste touzour pov.

Eklezyas 10:16

I en maler pour en pei kan son lerwa i tro zenn e son bann sef i konmans manz depi bomaten.

Ezai 3:4

Alor, bann zanfan pou vin zot sef; manrmay ava gouvern zot.

Akt de Zapot 17:5

Me bann Zwif ti ranpli avek zalouzi. Alor, zot ti rasanble bann vwayou dan lari ki ti met dezord dan lafoul e dan lavil. Zot ti al fouy lakaz Zason pour rod Pol ek Silas pour anmenn zot devan lepep.

1 Korentyen 14:20

Mon bann frer ek ser! Pa rezonn parey zanfan. Dan sa ki konsern sa ki mal, reste koman zanfan; me dan zot rezonnman, montre ki zot bann adilt.

Deterononm 13:13

ki bann vwayou parmi zot in detourn bann zabitan lavil an dizan: Annou al ador lezot bondye, ki ou pa konnen,

Let Pol pour bann Tit 1:10

Annefe, i annan bokou, sirtou parmi bann kretyen Zwif, ki rebel e ki tronp lezot par zot bann parol vid.

Ebre 5:12

Depi tou sa letan, zot ti'n devre vin bann profeser. Me zot ankor bezwen ganny ansennyen bann prensip elemanter lo mesaz Bondye. Zot ankor pe bezwen dile olye nouritir solid.

Ziz 11:3

Zefte ti sove lwen avek son bann frer. I ti al enstal li dan pei Tob. Bann bandi ti asosye zot avek Zefte. Ansanm, zot ti fer bann latak.

Ziz 9:4

Zot ti donn li 70 pyes larzan sorti dan tanp Baal-Berit. Avek sa larzan, Abimelek ti aste bann voryen ek bann bandi ki ti swiv li.

1 Samyel 22:2

Tou dimoun ki ti dan problenm, tou bann ki ti annan det, e ki ti dan fristrasyon, ti rasanble kot li, e i ti vin zot sef. Ti annan apepre 400 zonm avek li.