2 Kronik 13:5 - Labib An Kreol Seselwa

⁵ Zot pa konnen ki SENYER, Bondye Izrael, in donn David ek son desandans pour touzour, tronn Izrael atraver en lalyans ki personn pa kapab kase?

2 Kronik 13:5 ပူးပေါင်းရင်းမြစ်များ

2 Samyel 10:13

Zoab ek son troup ti mont latak kont bann Siriyen; e zot ti forse sove.

1 Rwa 8:20

Aprezan, SENYER in realiz son promes ki i ti fer: Akoz mon'n pran plas mon papa David, e asiz lo tronn Izrael parey SENYER in promet e mon'n konstri lakaz konsakre pour SENYER, Bondye pep Izrael.

1 Kronik 17:11

Zour ou lanmor i arive, mon pou swazir enn parmi ou prop garson pour ranplas ou koman lerwa e mon pou konsolid son rwayonm.

1 Kronik 17:14

Ou ava etabli li koman lerwa dan mon lakaz e dan mon rwayonm pour touzour e son tronn pou reste pour touzour.

2 Kronik 6:16

Aprezan, SENYER, Bondye pep Izrael, mon sipliy ou, gard osi sa promes ki ou ti fer avek mon papa, ou serviter David ler ou ti dir li: I pou touzour annan enn dan ou desandans ki pou asiz lo ou tronn koman lerwa pep Izrael, si zot konport zot byen e viv dapre mon komannman parey ou menm ou'n fer.

Nehemi 5:9

Alor, mon ti dir zot, “Sa ki zot pe fer i pa byen. Zot devre viv dan respe anver Bondye, pour zot pa ganny kraze par lezot nasyon, par nou bann lennmi.

Proverb 1:29

Akoz zot ti deteste konnesans; akoz zot pa'n swazir pour obei SENYER;

Zeremi 33:26

alor, mon ti ava'n kapab rezet desandans Zakob ek David mon serviter. Mon ti ava'n kapab rezet desandans Zakob ek mon serviter David e aret pran dan son desandans sa bann ki pou gouvern desandans Abrahanm, Izaak ek Zakob. Me mon pou annan pitye pour zot e mon pou fer zot prospere parey avan.

Ezekyel 43:24

Ou ava prezant zot devan SENYER. Bann pret ava fann disel lo zot e ofer zot koman sakrifis konplet devan SENYER.

Danyel 5:18

Mazeste! Bondye Toupwisan ti fer ou papa Naboukodonozor vin lerwa. I ti donn li grander, loner ek laglwar.

Levitik 2:13

Ou ava azout en pe disel dan tou lofrann vezetal ki ou ofer SENYER. Pa zanmen oubliy disel dan lofrann, akoz i reprezant lalyans ki Bondye in fer avek ou. Alor, avek tou lofrann ou devre azout disel.

Nonm 18:19

Mon donn ou, ou bann garson ek ou bann fiy tou sa bann lofrann ki pep Izrael i ofer devan SENYER. I ou drwa pour touzour; i dan kondisyon lalyans konsakre avek disel fer avek ou e tou ou bann desandan pour touzour.

2 Pyer 3:5

Zot oubliy par ekspre, ki depi byen lontan lesyel ek later in ganny formen par Parol Bondye. Later in sorti dan delo, e in ganny tenir ansanm par delo.

1 Samyel 16:1

SENYER ti dir Samyel, “Ziska kan ou pou pler Sail? Mwan, mon'n rezet li koman lerwa Izrael. Ranpli ou korn avek delwil e ale. Mon anvoy ou kot Zese en zabitan Betlehenm, akoz mon'n war mon lerwa parmi son bann zanfan.”

1 Samyel 16:12

Alor, Zese ti anvoy sers li. I ti en zennonm avek en ten kler, zoli lizye e en zoli regar. SENYER ti dir Samyel, “Leve! Vers delwil lo son latet. Li menm ki mon'n swazir.”