2 Kronik 13:2 - Labib An Kreol Seselwa

² I ti lerwa dan Zerizalenm pandan 3 an. Son manman ti apel Mikaya, fiy Ouriel ki sorti Gibea. Abiya ti pe lager kont Zeroboanm.

2 Kronik 13:2 ပူးပေါင်းရင်းမြစ်များ

1 Rwa 14:19

Leres bann aksyon Zeroboanm, mannyer ki i ti fer lager e koman i ti rennyen, in ganny ekri dan liv Listwar bann Lerwa Izrael.

1 Rwa 14:20

Zeroboanm ti renny pandan 22 an. I ti ganny antere avek son bann zanset. Apre son lanmor, son garson Nadab ti vin lerwa dan son plas.

1 Rwa 15:2

I ti renny pandan 3 an dan Zerizalenm. Son manman ti apel Maaka, fiy Abisalonm.

2 Kronik 11:20

Apre, Roboanm ti remarye avek Maaka fiy Salomon ki ti ganny: Abiya, Atai, Ziza, ek Selomit.

2 Kronik 12:15

Tou bann aksyon Roboanm, depi premye ziska dernyen, in ganny anrezistre dan Liv Profet Semaya ek vizyoner Ido. Roboanm ek Zeroboanm ti toultan pe lager.

2 Kronik 13:3

Abiya ti al dan lager avek 400,000 meyer gerye; zot tou, bann konbatan elit. Zeroboanm ti met li dan formasyon lager kont li, avek 800,000 vayan gerye.

Zozye 18:28

Sela, Elef, lavil bann Zebizit, setadir Zerizalenm, Gibea, e Kiryat-Yearim. An tou, 14 lavil avek son bann vilaz. Tousala ti patrimwann bann fanmir Benzamen, dapre zot bann klan.

Ziz 19:14

Zot ti kontiny zot semen e soley ti pe kouse ler zot ti ariv pre avek Gibea, dan teritwar Benzamen.

Ziz 19:16

Aswar, en vyeyar ti pe rantre sorti travay dan lakanpanny, dan rezyon montanny Efraim. I ti pe reste Gibea koman en etranze parmi bann zabitan, bann Benzamit.

1 Samyel 10:26

Sail osi ti al se li Gibea, akonpanny par bann zonm for ki Bondye ti'n tous zot leker.