2 Kronik 12:2 - Labib An Kreol Seselwa

² Dan senkyenm lannen ki Roboanm ti lerwa, Sisak, lerwa Lezip, ti atak Zerizalenm, akoz Izrael pa ti'n reste fidel anver SENYER.

2 Kronik 12:2 ပူးပေါင်းရင်းမြစ်များ

1 Rwa 11:40

Salomon ti esey touy Zeroboanm. Me Zeroboanm ti sov Lezip kot Sisak, lerwa Lezip, kot i ti reste ziska lanmor Salomon.

2 Rwa 7:6

Annefe, SENYER ti'n fer larme Siriyen antann tapaz kales lager, tapaz bann seval ek tapaz en gran larme e zot ti'n dir antre zot: Lerwa Izrael in pey bann lerwa Hitit ek bann lerwa Ezipsyen pour zot vin atak nou.

1 Kronik 28:9

Kanta ou, mon garson Salomon, konn Bondye ou papa. Servi li avek tou ou lespri e avek tou ou leker; akoz SENYER i konsider sak lentelizans e i konn tou proze e tou sa ki ou mazinen. Si ou rod li, ou pou trouv li; me si ou oubliy li, i pou abandonn ou pour touzour.

2 Kronik 14:8

Asa ti annan en larme 300,000 gerye sorti dan tribi Zida, ki ti ekipe avek gran boukliye ek lans, e 280,000 gerye sorti dan tribi Benzamen, ki ti ekipe avek pti boukliye ek lans. Zot tou, zot ti bann tirer fles e bann vayan gerye.

2 Kronik 14:9

Zera, sef larme Etyopyen, ti sorti dan en kanpanny kont Asa, avek en larme 1,000,000 gerye, 300 kales lager. I ti ariv ziska Maresa.

2 Kronik 24:18

Bann Izraelit ti abandonn tanp SENYER, Bondye zot zanset pour al ador bann poto sakre Asera ek bann zidol. Sa ti provok lakoler Bondye kont Zerizalenm ek rwayonm Zida.

Ezai 18:2

e ki anvoy bann anbasader par larivyer Nil, dan bann bato fer avek papiris. Ale! Zot bann mesaze rapid. Al kot en nasyon ki gran e ki annan lapo listre; kot en pep ki tou dimoun i per partou dan lemonn; kot en nasyon pwisan ki ganny laviktwar lo son lennmi; dan en pei ki ganny separe par larivyer.

Ezai 63:10

Me zot ti revolte e fer lapenn son lespri sen; alor i ti vin zot lennmi; i ti li menm lager kont zot.

Zeremi 2:19

Ou prop pese ki pini ou. Ou bann enfidelite pe retourn kont ou. Konmsa, ou ava aprann ki mannyer i fer mal abandonn mwan, SENYER ou Bondye, e pa reste fidel anver mwan, SENYER, Bondye liniver i deklare.

Lamantasyon 5:15

Nepli annan lazwa dan nou leker; nou ladans in vin dey.