2 Kronik 1:2 - Labib An Kreol Seselwa

² Salomon ti rasanble pep Izrael: I ti apel bann sef 1,000 ek bann sef 100, bann ziz, ek tou sef fanmir dan pep Izrael.

2 Kronik 1:2 ပူးပေါင်းရင်းမြစ်များ

1 Rwa 3:4

Lerwa ti al Gabaon pour ofer sakrifis, akoz sa ti landrwa sakre pli enportan. Salomon ti'n deza ofer en milye sakrifis konplet lo sa lotel.

1 Kronik 13:1

David ti konsilte tou son bann sef 1,000, sef 100 e sak sef endividyelman.

1 Kronik 15:12

I ti dir zot, “Zot bann sef fanmir parmi bann Levit; pirifye zot ek zot bann frer pour zot kapab transport Kof Lalyans SENYER, Bondye Izrael, pour anmenn li dan sa landrwa ki mon'n prepare pour li.

1 Kronik 15:3

David ti rasanble pep Izrael antye Zerizalenm, pour transport Kof Lalyans SENYER dan son plas ki ti'n prepare pour li.

1 Kronik 24:31

Zot osi, parey zot bann frer desandan Aaron, ti tir osor dan prezans lerwa David, pour determin lord servis Sadok ek Ahimelek ek bann sef fanmir pret ek bann Levit. Zot ti fer sa pour bann pli zenn parmi zot bann frer, parey pour bann sef fanmir.

1 Kronik 24:4

Zot ti remarke ki i annan plis sef parmi bann desandan Eleazar ki parmi bann desandan Itamar. Pour sa rezon, zot ti regroup bann desandan Eleazar dan 16 group fanmir e desandan Itamar dan wit group, sakenn avek son prop sef.

1 Kronik 27:1

La bann Izraelit dapre bann sef fanmir, sef 1,000, sef 100 ek zot bann zofisye, ki ti pe servi lerwa dan tou sa ki konsern bann divizyon, zot mouvman, mwan par mwan pandan lannen: 24,000 zonm par divizyon.

1 Kronik 28:1

David ti rasanble dan Zerizalenm, tou bann sef dan Izrael, bann sef tribi, bann sef bann divizyon ki servi lerwa, bann komandan 1,000, komandan 100, sa enn ki ti responsab bann propriyete ek bann troupo lerwa ek son bann zanfan, avek osi bann responsab pale, bann pwisan e vayan gerye.

1 Kronik 29:1

Lerwa David ti dir avek lasanble antye: Mon garson Salomon, ki SENYER in swazir, i zenn e i mank leksperyans. Me sa travay i gran; sa batiman pa pour en imen, me pour SENYER Bondye.

2 Kronik 1:3

Salomon, ansanm avek tou pep ki ti'n rasanble, ti mont dan landrwa sakre Gabaon, kot Latant Rankont Bondye ki Moiz, serviter SENYER ti fer dan dezer.

2 Kronik 29:20

Lannmen, Ezekyas ti leve byen granmaten. I ti rasanble bann sef lavil e mont kot tanp SENYER.

2 Kronik 30:2

Lerwa, bann sef ek tou lasanble dan Zerizalenm, ti'n deside selebre Pak dan dezyenm mwan.