2 Kronik 1:10 - Labib An Kreol Seselwa

¹⁰ Alor, donn mwan lasazes ek konnesans pour mwan kapab gouvern ou pep. Lekel ki kapab gouvern ou pep, en pep osi gran?”

2 Kronik 1:10 ပူးပေါင်းရင်းမြစ်များ

2 Samyel 5:2

Lontan, ler Sail ti nou lerwa, ou ki ti diriz tou bann ekspedisyon militer. SENYER ti dir avek ou, Ou pou gouvern mon pep Izrael, e ou pou vin sef pep Izrael.”

1 Rwa 3:9

Donn mwan, SENYER, disernman neseser pour gouvern ou pep, pour mwan disern sa ki bon ek sa ki move. Lekel ki kapab gouvern ou gran pep!”

1 Kronik 22:12

SENYER ava donn ou disernman ek lentelizans; i ava etabli ou renny byen ferm lo Izrael, pour ki ou gard lalwa SENYER, ou Bondye.

Psonm 119:34

Donn mwan disernman, pour mwan konpran ou lalwa e met li an pratik avek tou mon leker.

Psonm 119:73

Ou lanmen in form mwan e in fer mwan for. Donn mwan disernman pour mwan aprann ou bann komannman.

Proverb 4:7

Pour vin en saz, konmans par ganny lasazes. Donn tou sa ki ou posede pour ou ganny disernman.

Proverb 8:15

Gras a mwan, bann lerwa i rennyen e bann sef i fer bann bon lalwa.

Nonm 27:17

pour komann zot dan lager, pour ki ou pep pa egare parey bann mouton san berze.”

2 Korentyen 2:16

Pour serten, nou en loder lanmor ki anmenn lanmor; pour lezot en loder lavi ki anmenn lavi. Lekel alor ki kalifye pour ranpli en tel misyon?

2 Korentyen 3:5

Annefe, nou pa kapab pretann akonplir en tel tas par nou menm. Sa ki nou kapab fer i sorti kot Bondye.

Deterononm 31:2

i ti azoute: Aprezan, mon annan 120 an. Mon nepli kapab diriz zot mon tousel e SENYER in dir mwan: Ou pa pou travers larivyer Zourden.

Let Zak 1:5

Si parmi zot i annan enn ki mank lasazes, ki i demande e Bondye ava donn li. Annefe, Bondye i donn tou dimoun zenerezman san fer okenn repros.