2 Korentyen 7:2 - Labib An Kreol Seselwa

² Fer en plas dan zot leker pour nou. Nou pa'n fer ditor personn; nou pa'n rin personn; nou pa'n eksplwat personn.

2 Korentyen 7:2 ပူးပေါင်းရင်းမြစ်များ

Nonm 16:15

Moiz ti tre ankoler. I ti dir SENYER, “Pa aksepte zot lofrann. Mon pa'n fer zot okenn ditor; mon pa'n ni menm pran en bourik pour zot.”

Matye 10:14

Si dan nenport ki lakaz oubyen lavil, dimoun pa resevwar zot, ni ekout zot, kit sa landrwa. Sekwe lapousyer ki avek zot lipye.

Matye 10:40

Sa enn ki resevwar zot, i resevwar mwan. Sa enn ki resevwar mwan, i resevwar sa enn ki'n anvoy mwan.

Levanzil dapre Lik 10:8

Sak fwa ki zot antre dan en lavil e ki zot ganny byen resevwar, manz sa ki zot ganny ofer.

Akt de Zapot 20:33

Mon pa'n zanmen anvi ni larzan, ni lor, ni lenz personn.

Romen 16:18

Annefe, sa bann dimoun pa servi Kris, nou Senyer, me zot vant. Par zot bann zoli parol ek bann diskour flater, zot arive anbet dimoun ki lespri i senp.

2 Korentyen 1:12

La sa ki fer nou fyer: Nou konsyans i dir nou ki nou kondwit dan lemonn, e sirtou anver zot, in avek senplisite ek senserite devan Bondye; non pa avek lasazes imen, me avek lagras Bondye.

2 Korentyen 11:16

Mon repete: Fodre pa ki personn i pran mwan pour en fou. Oubyen, si zot konsider mwan koman en fou, mwan osi mon ava kapab vant mon lekor en pe.

2 Korentyen 11:9

Kan mon ti dan bezwen parmi zot, mon pa ti depann lo personn, akoz bann frer sorti Masedwann ti donn mwan sa ki mon ti bezwen. Mon ti fer sir ki mon pa ti en fardo lo zot dan okenn sirkonstans, e mon pou kontinyen.

2 Korentyen 4:2

Nou'n fini rezet tou sa bann aksyon sekre oubyen ki fer onte. Nou pa fer nanryen pour tronp dimoun, e nou pa sanz Parol Bondye. O kontrer, nou montre laverite klerman. Nou fer tou pour ganny konfyans tou dimoun devan Bondye.

Filipyen 2:29

Alor, akey li avek en gran lazwa, parey en frer dan Senyer. Zot devre annan bokou respe pour bann zonm parey li.

Kolosyen 4:10

Aristark, ki dan prizon avek mwan, i anvoy zot son konpliman, ensi ki Mark, kouzen Barnabas. Zot in deza ganny rekomandasyon pour byen resevwar Mark si i pas kot zot.

1 Tesalonisyen 2:10

Zot temwen, e Bondye osi, ki nou konportman anver zot bann krwayan ti pir, zis e san repros.

Filemon 1:12

Aprezan, ki i'n vin en parti mwan menm, mon pe fer li retourn kot ou.

Filemon 1:17

Alor, si ou konsider mwan koman ou frer dan lafwa, resevwar li parey ou ti ava resevwar mwan.

2 Zan 1:10

Si en dimoun i vin kot ou avek en lot lansennyman, pa resevwar li se ou, e refize menm dir li bonzour.