1 Zan 5:4 - Labib An Kreol Seselwa

⁴ Annefe, tou bann zanfan Bondye, i ganny laviktwar lo lemonn. Par nou lafwa, nou'n ganny laviktwar lo lemonn.

1 Zan 5:4 ပူးပေါင်းရင်းမြစ်များ

Levanzil dapre Zan 1:13

Zot pa'n ne par en nesans natirel, ni par lavolonte zonm, me par lavolonte Bondye.

Levanzil dapre Zan 16:33

Mon'n dir zot tousala pour ki zot ganny lape e reste ini avek mwan. Dan lemonn, zot bezwen soufer. Me pran kouraz. Mwan, mon'n ranport laviktwar lo lemonn.”

Levanzil dapre Zan 3:3

Zezi ti reponn li, “Mon dir ou, sa i laverite: Personn pa pou antre dan Rwayonm Bondye si i pa pas par en nouvo nesans.”

1 Korentyen 15:57

Me annou rann glwar Bondye ki donn nou laviktwar atraver nou Senyer Zezi-Kri.

1 Zan 2:29

Zot konnen ki Kris i zis. Alor, zot devre rekonnet ki sa enn ki pratik lazistis, i en zanfan Bondye.

1 Zan 3:9

Sa enn ki'n vin zanfan Bondye pa fer pese, akoz pwisans lavi ki sorti kot Bondye i dan li. I pa kapab kontinyen fer pese, akoz Bondye i son Papa.

1 Zan 4:4

Me zot, mon bann zanfan! Zot pour Bondye e zot in ranport laviktwar lo bann fo profet, akoz sa enn ki dan zot, i pli gran ki sa enn ki dan lemonn.

1 Zan 5:1

Sa enn ki krwar ki Zezi i Kris, i en zanfan Bondye. Sa enn ki kontan en papa, i osi kontan son bann zanfan.

1 Zan 5:18

Nou konnen ki en dimoun ki'n ne koman zanfan Bondye pa fer pese, akoz Bondye i protez sa enn ki i'n donn nesans, e dyab pa kapab tous li.

1 Zan 5:5

Lekel sa enn ki ganny laviktwar lo lemonn? Sa enn ki krwar ki Zezi i Garson Bondye.

Revelasyon 12:11

Par disan Zenn Mouton e par zot temwannyaz, zot in ganny laviktwar lo li. Zot in aksepte donn zot lavi ziska lanmor.

Revelasyon 15:2

Apre, mon ti war sa ki ti resanble en lanmer an ver, melanze avek dife. Mon ti osi war bann ki ti'n ganny laviktwar lo sa bebet, lo son stati, e lo nimero ki koresponn avek son non. Zot ti pe debout lo lanmer an ver, avek dan zot lanmen, bann laarp ki Bondye ti'n donn zot.

Revelasyon 2:11

Sa enn ki annan zorey! Ekout sa ki Lespri i dir avek bann Legliz. Sa enn ki ranport laviktwar, pa pou konn en dezyenm lanmor.

Revelasyon 2:17

Sa enn ki annan zorey! Ekout sa ki Lespri i dir avek bann Legliz. Sa bann ki ranport laviktwar, mon pou donn zot lamann ki'n ganny kasyet. E mon pou donn sakenn zot en pti ros blan. Lo sa ros, in ganny ekri en nouvo non ki personn pa konnen, eksepte sa enn ki resevwar sa non.

Revelasyon 2:26

Sa enn ki ranport laviktwar, sa enn ki kontiny mon travay ziska lafen, mon pou donn li pouvwar lo bann nasyon.

Revelasyon 2:7

Sa enn ki annan zorey! Ekout sa ki Lespri i dir avek bann Legliz: Sa enn ki ranport laviktwar, mon pou donn li drwa manz fri pye dibwa ki donn lavi, ki dan paradi Bondye.

Revelasyon 3:12

Sa enn ki ganny laviktwar, mon pou fer li vin en pilye dan tanp mon Bondye e i pa pou zanmen sorti. Mon pou ekri lo li, non mon Bondye, ek non lavil mon Bondye: Nouvo Zerizalenm ki desann sorti dan lesyel kot mon Bondye. Mon pou osi ekri mon nouvo non lo li.

Revelasyon 3:21

Sa enn ki ganny laviktwar, mon pou met li asiz avek mwan lo mon tronn, parey mwan mon'n ganny laviktwar e mon'n asiz avek mon Papa lo son tronn.

Revelasyon 3:5

Ensi, sa bann ki'n ganny laviktwar, pou abiy dan en lenz blan. Mon pa pou efas zot non dan liv lavi, me mon pou rekonnet zot devan mon Papa e devan son bann lanz.