1 Zan 5:3 - Labib An Kreol Seselwa

³ Annefe, lanmour pour Bondye, se ki nou obei son komannman; e son bann komannman pa en fardo.

1 Zan 5:3 ပူးပေါင်းရင်းမြစ်များ

2 Rwa 18:6

I ti annan gran latasman pour SENYER; i pa ti abandonn li; i ti obzerv tou komannman ki SENYER ti'n ordonn Moiz.

Psonm 119:140

Ou bann parol in ganny teste e ou serviter i kontan zot.

Psonm 119:45

Mon pou mars lib, akoz mon'n rod ou bann direktiv.

Egzod 20:6

Me mon pou montre mon fidelite ziska mil zenerasyon, anver bann ki kontan mwan e ki gard mon bann komannman.

Proverb 3:17

I fer plezir mars lo son semen; tou son bann santye i kondwir ver prosperite.

Danyel 9:4

Mon ti priy SENYER, mon Bondye, e mon ti fer sa konfesyon: Senyer, Bondye gran e terib! Ou ki gard ou lalyans ek ou fidelite anver bann ki kontan ou e ki gard ou bann komannman!

Mise 6:8

Ou ki en imen, SENYER in fer ou konnen sa ki byen. La sa ki SENYER i demann ou fer: Respekte lazistis, montre labonte, mars dan limilite avek ou Bondye.

Matye 23:4

Zot sarz fardo tre lour lo zepol dimoun, me zot menm, zot pa pare pour lev en ledwa pour tous sa fardo.

Levanzil dapre Zan 14:15

Si zot kontan mwan, zot pou obei mon bann komannman.

Levanzil dapre Zan 15:10

Si zot obei mon bann komannman, zot pou reste dan mon lanmour, parey mwan, mon'n obei komannman mon Papa e mon reste dan son lanmour.

Levanzil dapre Zan 15:14

Zot, zot mon bann zanmi, si zot obei mon komannman.

Romen 7:12

Lalwa li menm i sen, e komannman i sen, zis e bon.

Romen 7:22

Dan mwan menm, koman en zonm, mon ganny plezir dan Lalwa Bondye.

Deterononm 5:10

Me mon montre mon fidelite ziska mil zenerasyon, anver sa bann ki kontan mwan e ki gard mon bann komannman.

Deterononm 7:9

Aprezan, rekonnet: SENYER, ou Bondye i sel Bondye. Li menm sa vre Bondye fidel dan son lalyans avek sa bann ki kontan li e ki gard son komannman, ziska mil zenerasyon.

Ebre 8:10

Aprezan, la lalyans ki mon pou fer avek pep Izrael: Apre sa bann zour, Senyer ti deklare, Mon pou met mon bann lalwa dan zot lespri. Mon pou ekri li dan zot leker, mon pou vin zot Bondye, e zot ava vin mon pep.

1 Zan 2:3

Kan nou gard son komannman, nou rekonnet ki nou konn li.

2 Zan 1:6

Sa lanmour, se ki nou viv dapre bann komannman Bondye. Sanmenm sa komannman dan lekel nou devre viv, parey nou'n tande depi o konmansman.