1 Zan 4:7 - Labib An Kreol Seselwa

⁷ Mon bann zanmi! Annou kontan kanmarad, akoz lanmour i sorti kot Bondye. Sa enn ki kontan, i zanfan Bondye e i konn Bondye.

1 Zan 4:7 ပူးပေါင်းရင်းမြစ်များ

1 Zan 4:20

Si en dimoun i dir: Mon kontan Bondye me i deteste son frer, i en manter. Annefe, si en dimoun i deteste son frer ki i war, i pa kapab kontan Bondye ki i pa war.

1 Zan 4:8

Sa enn ki pa kontan, pa'n zanmen konn Bondye, akoz Bondye i lanmour.

1 Pyer 1:22

Zot, zot in ganny pirifye par zot lobeisans anver laverite, pour zot kontan kanmarad senserman koman bann frer. Donk, kontan kanmarad bokou avek en leker pir.

1 Zan 2:10

Sa enn ki kontan son frer, i reste dan lalimyer, e i pa pou kapab tonbe.

Galat 5:22

Me la bann fri ki Lespri i prodwi: Lanmour, lazwa, lape, pasyans, labonte, zenerozite, fidelite,

2 Timote 1:7

Annefe, Bondye pa'n donn ou en lespri lafreyer; o kontrer, en lespri ki ranpli nou avek lafors, lanmour ek disiplin.

1 Zan 4:12

Personn pa'n deza war Bondye. Si nou kontan kanmarad, Bondye i viv dan nou e son lanmour i parfe dan nou.

1 Zan 2:29

Zot konnen ki Kris i zis. Alor, zot devre rekonnet ki sa enn ki pratik lazistis, i en zanfan Bondye.

Levanzil dapre Zan 17:3

Lavi eternel, se ki zot konn ou koman sel vre Bondye, ek Zezi-Kri ki ou'n anvoye.

2 Korentyen 4:6

Annefe, Bondye ki'n dir: Lalimyer pour briye omilye teneb. Se li menm ki'n briye dan nou leker, pour donn lalimyer konnesans son laglwar ki ilimin vizaz Kris.

Deterononm 30:6

SENYER, ou Bondye pou osi sirkonsi ou leker ek leker ou bann desandan, pour ki ou kontan SENYER, ou Bondye avek tou ou leker, tou ou et, e ou ava kapab viv.

Galat 4:9

Me aprezan ki zot konn Bondye, ou plito, ki Bondye i konn zot, ki mannyer i posib pour zot anvi retourn kot sa bann eleman san valer e revin zot lesklav?

Levanzil dapre Zan 13:34

Mon donn zot en komannman nouvo: Kontan kanmarad. Zot devre kontan kanmarad parey mwan mon'n kontan zot.

1 Korentyen 8:3

Me sa enn ki kontan Bondye, Bondye i konn li.

1 Zan 2:3

Kan nou gard son komannman, nou rekonnet ki nou konn li.

1 Zan 2:4

Sa enn ki dir: Mon konn li. Me i pa gard son komannman, i en manter; laverite pa dan li.

1 Zan 2:7

Mon bann zanmi! Pa en komannman nouvo ki mon pe ekri, me en vye komannman ki zot in resevwar depi o konmansman. Sa vye komannman i Parol ki zot in deza tande.

1 Zan 3:9

Sa enn ki'n vin zanfan Bondye pa fer pese, akoz pwisans lavi ki sorti kot Bondye i dan li. I pa kapab kontinyen fer pese, akoz Bondye i son Papa.

1 Zan 4:11

Mon bann zanmi! Si Bondye in telman kontan nou, nou osi, nou devre kontan kanmarad.

1 Zan 4:16

Nou, nou konn sa lanmour ki Bondye i annan pour nou, e nou krwar dan sa lanmour. Bondye i lanmour. Sa enn ki reste dan lanmour i reste dan Bondye e Bondye i reste dan li.

1 Zan 5:1

Sa enn ki krwar ki Zezi i Kris, i en zanfan Bondye. Sa enn ki kontan en papa, i osi kontan son bann zanfan.

2 Zan 1:5

Aprezan, Madanm! La sa ki mon demann ou: Kontan kanmarad. Sa pa en nouvo komannman ki mon pe ekri; me sa enn ki nou'n resevwar depi o konmansman.