1 Zan 4:4 - Labib An Kreol Seselwa

⁴ Me zot, mon bann zanfan! Zot pour Bondye e zot in ranport laviktwar lo bann fo profet, akoz sa enn ki dan zot, i pli gran ki sa enn ki dan lemonn.

1 Zan 4:4 ပူးပေါင်းရင်းမြစ်များ

Levanzil dapre Zan 12:31

Aprezan i'n ler pour lemonn ganny zize. Aprezan, sef lemonn pou ganny zet deor.

Levanzil dapre Zan 14:30

Mon pa pou koz plis ki sa avek zot, akoz sa enn ki gouvern lemonn pe vini. I napa okenn pouvwar lo mwan.

Levanzil dapre Zan 16:11

konsernan zizman, akoz sef lemonn in deza ganny kondannen.

Levanzil dapre Zan 17:23

Mon dan zot, e zot dan mwan. Konmsa, zot ava vin vreman en sel. Alor, lemonn ava konnen ki ou ki'n anvoy mwan, e ki ou kontan zot parey ou kontan mwan.

Romen 8:31

Ki nou kapab dir ankor? Si Bondye i pour nou, lekel ki pou kapab kont nou?

Romen 8:37

Pourtan, dan tousala, nou sorti gran venker, gras a sa enn ki'n kontan nou.

1 Korentyen 2:12

Nou, nou pa'n ganny lespri dapre lemonn, me Lespri ki sorti kot Bondye. Konmsa, nou konpran tou sa ki Bondye in donn nou par son lagras.

1 Korentyen 6:13

Zot dir: Manze i pour vant e vant i pour manze. Dakor! Me Bondye pou detri tou le de. Nou lekor pa'n fer pour bann pratik imoral, me pour Senyer, e Senyer i pour lekor.

2 Korentyen 4:4

Pour bann ki pa krwar, bondye sa lemonn in avegle zot lentelizans; i'n anpes zot war lalimyer Bonn Nouvel mazeste Kris, ki resanblans Bondye li menm.

2 Korentyen 6:16

Ki Tanp Bondye i annan an komen avek bann zidol? Annefe, nou menm ki tanp Bondye vivan. Parey Bondye in deklare: Mon pou mars parmi zot; mon pou vin zot Bondye e zot ava vin mon pep.

Efezyen 2:2

Zot ti pe viv dapre mannyer lemonn. Zot ti pe obeir sef bann pwisans dan lespas, sa menm lespri ki aprezan pe travay dan dimoun ki pe opoz Bondye.

Efezyen 3:17

e ki Kris ava reste dan zot leker par lafwa. Mon priye ki zot ava ganny anrasinen e byen etabli dan lanmour,

Efezyen 6:10

Anfen, pran ou lafors dan linyon avek Senyer e dan son gran pwisans.

1 Zan 2:1

Mon bann pti zanfan! Mon pe ekri zot sa, pour ki zot pa komet okenn pese. Me si i annan parmi zot ki komet pese, nou annan en avoka kot Bondye. Sa i Zezi-Kri, ki nou Lazistis.

1 Zan 2:13

Bann papa! Mon pe ekri zot akoz zot konn sa enn ki'n egziste depi o konmansman. Bann zennzan! Mon pe ekri zot akoz zot in ganny laviktwar lo Move.

1 Zan 3:20

Annefe, menm si nou leker i kondann nou, nou konnen ki Bondye i pli gran ki nou leker e ki i konn tou.

1 Zan 3:24

Sa enn ki obei komannman Bondye i viv dan Bondye, e Bondye i prezan dan li. Nou konnen ki Bondye i prezan dan nou, gras a Lespri Sen ki i'n donn nou.

1 Zan 4:13

La konman nou konnen ki nou pe viv dan li, e i viv dan nou: I'n donn nou son Lespri.

1 Zan 4:16

Nou, nou konn sa lanmour ki Bondye i annan pour nou, e nou krwar dan sa lanmour. Bondye i lanmour. Sa enn ki reste dan lanmour i reste dan Bondye e Bondye i reste dan li.

1 Zan 4:6

Me nou, nou pour Bondye, e sa enn ki konn Bondye i ekout nou. Me sa enn ki pa pour Bondye pa ekout nou. Konmsa menm ki nou kapab rekonnet ant Lespri Laverite ek lespri lerer.

1 Zan 5:19

Nou konnen ki nou pour Bondye, e ki lemonn antye i anba pouvwar dyab.

1 Zan 5:4

Annefe, tou bann zanfan Bondye, i ganny laviktwar lo lemonn. Par nou lafwa, nou'n ganny laviktwar lo lemonn.

Revelasyon 12:11

Par disan Zenn Mouton e par zot temwannyaz, zot in ganny laviktwar lo li. Zot in aksepte donn zot lavi ziska lanmor.