1 Zan 4:2 - Labib An Kreol Seselwa

² La koman zot kapab rekonnet Lespri Bondye: Sa enn ki afirmen ki Zezi in vreman vin koman en zonm, i posed Lespri Bondye.

1 Zan 4:2 ပူးပေါင်းရင်းမြစ်များ

Levanzil dapre Zan 1:14

Laparol in vin en et imen. I'n vin reste parmi nou. Nou'n war son laglwar; laglwar son sel Garson ki sorti kot Papa, ranpli avek lagras ek laverite.

1 Korentyen 12:3

Pour sa rezon, mon oule ki zot konpran byen: Personn ki anba Lespri Bondye pa kapab dir: Zezi i modi, e personn pa kapab osi dir: Zezi i Senyer, si i pa ganny gide par Lespri Sen.

1 Timote 3:16

Sertennman, ki mister nou lafwa i gran: I'n paret dan laform imen. I'n ganny zistifye par Lespri. Bann lanz in war li. I'n ganny anonse parmi bann nasyon. Atraver lemonn bokou in krwar dan li, i'n ganny anleve dan laglwar Bondye.

1 Zan 1:2

Annefe, lavi in aparet, nou'n war li, nou rann temwannyaz e nou anons zot lavi eternel, ki ti kot son Papa e ki i'n revel avek nou.

1 Zan 2:23

Annefe, sa enn ki rezet Garson Bondye, i rezet osi son Papa. Sa enn ki aksepte Garson, i aksepte son Papa osi.

1 Zan 4:15

Sa enn ki deklare ki Zezi i Garson Bondye, Bondye i viv dan li, e li i dan Bondye.

1 Zan 4:3

Me sa enn ki pa rekonnet Zezi, pa sorti kot Bondye. I lespri Ladverser Kris ki zot in tande pe vini. Annefe, i deza la dan lemonn.

1 Zan 5:1

Sa enn ki krwar ki Zezi i Kris, i en zanfan Bondye. Sa enn ki kontan en papa, i osi kontan son bann zanfan.

2 Zan 1:7

Annefe, bokou manter in fannen partou dan lemonn, bann dimoun ki pa aksepte ki Zezi-Kri in vin koman en zonm vreman. En tel dimoun, i en manter e Ladverser Kris.