1 Zan 4:1 - Labib An Kreol Seselwa

¹ Mon bann zanmi! Pa bezwen krwar tou sa bann ki pretann ki zot posed Lespri. Teste zot dabor pour konnen si sa lespri i sorti kot Bondye. Annefe, i annan bokou fo profet dan lemonn.

1 Zan 4:1 ပူးပေါင်းရင်းမြစ်များ

1 Rwa 13:18

I ti dir li, “Mwan osi mon en profet parey ou; en lanz ki ti dir mwan dapre parol SENYER: Anmenn li se ou pour ki i manz en pe e bwar en pe delo.” Me i ti pe manti avek li.

Proverb 14:15

En dimoun bet i krwar tou sa ki i tande; me en dimoun pridan i gete kote i met son lipye.

Zeremi 14:14

SENYER ti reponn mwan, “Bann profet pe servi mon non pour koz mansonz. Mon pa'n anvoy zot koz dan mon non; mon pa'n donn zot okenn lord; mon pa'n koz okenn parol avek zot. Bann vizyon ki zot dir zot in ganny pa sorti kot mwan. Tou zot bann fo mesaz i sorti dan zot limazinasyon e pa fer okenn sans.”

Zeremi 23:16

La sa ki SENYER liniver i deklare: Pa ekout parol bann profet. Pa les zot tronp ou avek en bann fo promes. Sa ki zot pe dir i zot prop lenvansyon; zot pa pe anons mesaz sorti kot SENYER.

Zeremi 5:31

Bann profet i koz manti. Bann pret i ansenny zis sa ki fer zot plezir, e mon pep i trouv sa normal. Me ki zot pou fer kan tousala i fini?

Mark 13:21

Alor, si en dimoun i dir zot: Gete! Mesi i isi. Oubyen: Gete! I laba. Pa bezwen krwar.

Levanzil dapre Lik 12:57

“Akoz zot pa zize zot menm kwa ki zis pou fer?

Levanzil dapre Lik 21:8

Zezi ti reponn, “Fer atansyon: Pa les zot ganny anbete. Annefe, en kantite pou servi mon non. Zot pou dir: Mwan menm Mesi. Sa letan in arive! Pa swiv zot.

Akt de Zapot 17:11

Bann zabitan ti annan en pli bon santiman ki bann Zwif Tesalonik: Zot ti resevwar Parol Bondye avek bokou lentere. Tou le zour zot ti etidye Lekritir pour war si sa ki Pol ti dir zot, ti vre.

Akt de Zapot 20:29

Mon konnen ki apre mon depar, pou annan bann zonm parey loulou feros ki pou enfiltre parmi zot. Personn parmi zot pa pou ganny eparnyen.

1 Korentyen 12:10

Enn i ganny don fer mirak, en lot i ganny don pour koz lo non Bondye. En lot ankor i ganny don pour disernen ant bon ek move lespri. Enn i ganny don pour koz dan diferan lalang, en lot pour enterpret bann lalang.

1 Korentyen 14:29

Konsernan bann profet, zis de oubyen trwa ki devre pran laparol; lezot ava ziz sa ki zot dir.

1 Tesalonisyen 5:20

Pa bezwen mepriz mesaz bann profet,

1 Tesalonisyen 5:21

me egzamin tou keksoz. Gard sa ki bon,

2 Tesalonisyen 2:2

Pa les zot lespri trouble fasilman ni alarme, si en dimoun i vin anonse ki zour Senyer in arive. Pa krwar li, menm si i pretann ki en profesi, en deklarasyon oubyen en let i sorti kot nou.

1 Timote 4:1

Lespri i dir klerman: Dan dernyen tan, serten dimoun pou abandonn lafwa pour atas zot avek bann lespri tronper, e swiv bann lansennyman ki sorti kot bann demon.

2 Timote 3:13

Me bann malfeter ek bann tronper pou touzour fer progre dan sa ki mal. Zot pou tronp lezot, me zot osi, zot pou ganny tronpe.

2 Pyer 2:1

Parey ki ti annan bann fo profet parmi pep Izrael, pou osi annan bann fo ansennyan parmi zot. Sekretman, zot pou entrodwir bann fo doktrin destrikter. Zot pou menm renye zot Met ki'n sov zot. Zot pou menm atir destriksyon rapid lo zot.

1 Zan 2:18

Mon bann zanfan! Lafen i pros. Zot in deza antann dir: Lennmi Kris pe vini. Deza, en kantite lennmi Kris in fini aparet. Konmsa ki nou konnen lafen i pros.

1 Zan 2:7

Mon bann zanmi! Pa en komannman nouvo ki mon pe ekri, me en vye komannman ki zot in resevwar depi o konmansman. Sa vye komannman i Parol ki zot in deza tande.

2 Zan 1:7

Annefe, bokou manter in fannen partou dan lemonn, bann dimoun ki pa aksepte ki Zezi-Kri in vin koman en zonm vreman. En tel dimoun, i en manter e Ladverser Kris.

3 Zan 1:11

Mon zanmi! Pa imit sa ki mal, me imit plito sa ki byen. Sa enn ki pratik sa ki byen, i pour Bondye. Sa enn ki fer sa ki mal, pa konn Bondye.

Revelasyon 2:2

Mon konn tou ou bann aktivite, mon konn ou travay ek ou perseverans. Mon konnen ki ou pa kapab toler bann malfeter. Ou'n teste bann ki apel zot lekor zapot, me ki an realite pa vre, e ou'n dekouver ki zot bann manter.