1 Zan 3:9 - Labib An Kreol Seselwa

⁹ Sa enn ki'n vin zanfan Bondye pa fer pese, akoz pwisans lavi ki sorti kot Bondye i dan li. I pa kapab kontinyen fer pese, akoz Bondye i son Papa.

1 Zan 3:9 ပူးပေါင်းရင်းမြစ်များ

Liv Zob 19:28

Zot dir: Ki mannyer nou pou martiriz li plis ankor? Ki preteks nou pou servi pour montre ki i an tor?

Psonm 119:3

Zot pa fer sa ki mal me zot mars dan son semen.

Levitik 11:37

Si enn sa pti bebet oubyen zannimo mor i tonm lo bann legren ki devre ganny senmen, sa legren ava reste pir.

Matye 7:18

En bon pye fri pa zanmen raport move fri e en move pye fri, pa zanmen donn bon fri.

Levanzil dapre Zan 1:13

Zot pa'n ne par en nesans natirel, ni par lavolonte zonm, me par lavolonte Bondye.

Levanzil dapre Zan 3:3

Zezi ti reponn li, “Mon dir ou, sa i laverite: Personn pa pou antre dan Rwayonm Bondye si i pa pas par en nouvo nesans.”

Akt de Zapot 4:20

Kanta nou, nou pa kapab aret koz lo sa ki nou'n war e tande.”

Romen 6:2

Pa ditou! Pour sa ki konsern pese, nou'n mor. Ki mannyer nou kapab kontinyen viv dan pese?

Galat 5:17

Annefe, dezir natir imen i kont lespri, e dezir Lespri i kont dezir natir imen. Tou le de, zot konpletman opoze avek kanmarad, de sort ki zot pa kapab fer sa ki zot ti ava oule.

Let Pol pour bann Tit 1:2

dan lesperans lavi eternel. Bondye ki pa zanmen manti, ti promet nou sa lavi avan konmansman letan;

1 Pyer 1:23

Annefe, zot in ganny en nouvo lavi, pa par en semans ki kapab ganny detri, me par enn ki pa kapab ganny detri: Sa i Parol Bondye. Sa Parol i vivan e eternel.

1 Zan 2:29

Zot konnen ki Kris i zis. Alor, zot devre rekonnet ki sa enn ki pratik lazistis, i en zanfan Bondye.

1 Zan 3:6

Sa enn ki reste ini avek li, pa fer pese. Sa enn ki fer pese pa'n war li e pa'n zanmen konn li.

1 Zan 4:7

Mon bann zanmi! Annou kontan kanmarad, akoz lanmour i sorti kot Bondye. Sa enn ki kontan, i zanfan Bondye e i konn Bondye.

1 Zan 5:1

Sa enn ki krwar ki Zezi i Kris, i en zanfan Bondye. Sa enn ki kontan en papa, i osi kontan son bann zanfan.

1 Zan 5:18

Nou konnen ki en dimoun ki'n ne koman zanfan Bondye pa fer pese, akoz Bondye i protez sa enn ki i'n donn nesans, e dyab pa kapab tous li.

1 Zan 5:4

Annefe, tou bann zanfan Bondye, i ganny laviktwar lo lemonn. Par nou lafwa, nou'n ganny laviktwar lo lemonn.

3 Zan 1:11

Mon zanmi! Pa imit sa ki mal, me imit plito sa ki byen. Sa enn ki pratik sa ki byen, i pour Bondye. Sa enn ki fer sa ki mal, pa konn Bondye.