1 Zan 3:7 - Labib An Kreol Seselwa

⁷ Mon bann zanfan! Pa les personn tronp zot. Sa enn ki pratik lazistis, li osi i zis, parey Zezi-Kri li menm i zis.

1 Zan 3:7 ပူးပေါင်းရင်းမြစ်များ

Psonm 106:3

I byennere sa enn ki fer sa ki drwat e ki touzour pratik lazistis.

Psonm 45:7

Ou kontan lazistis e ou deteste sa ki mal. Pour sa rezon, Bondye, ou Bondye, in vers delwil lonksyon lo ou latet. In prefer swazir ou parmi lezot lerwa.

Matye 5:20

Mon asir zot: Si zot fidelite anver lavolonte Bondye pa depas fidelite bann profeser Lalwa ek bann Farizyen, zot pa pou kapab antre dan Rwayonm lesyel.

Levanzil dapre Lik 1:75

pour viv en lavi zis e konsakre pour li tou le zour nou lavi.

Akt de Zapot 10:35

me dan nenport ki nasyon, tou dimoun ki annan respe pour li e ki fer sa ki byen, Bondye i kontan zot.

Romen 2:13

Annefe, pa bann ki ekout Lalwa, ki ganny zistifye devan Bondye, me bann ki obei sa ki Lalwa i ordonnen, ki ganny zistifye.

1 Korentyen 6:9

Eski zot pa konnen ki bann malfeter pa pou erit Rwayonm Bondye? Pa les zot ganny tronpe: Dimoun san moralite, adorater zidol, adilter, omoseksyel,

Efezyen 5:6

Pa les personn tronp zot par bann fo rezonnman. Bann fot parey ki fer lakoler Bondye monte kont bann ki refize obei li.

Efezyen 5:9

akoz lalimyer i prodwi bokou kalite: Labonte, ladrwatir, ek laverite.

Filipyen 1:11

Alor, zot lavi ava ranpli avek bann fri lazistis ki Zezi-Kri i prodwir, pour mazeste ek louanz Bondye.

Ebre 1:8

Me lo size son Garson i deklare: Bondye! Ou tronn in ganny etabli pour touzour. E ankor: Ou renny, i en renny ranpli avek lazistis.

Ebre 7:2

Abrahanm ti donn li en dizyenm lo tou bann depouy lager. Sa non Melkisedek, i vedir: Lerwa lazistis. I osi lerwa Salenm, savedir: Lerwa lape.

Let Zak 1:22

Pa bezwen tronp zot lekor: Pa zis ekout Parol Bondye; fodre osi met li an pratik.

Let Zak 2:19

Ou krwar ki i annan en sel Bondye; sa i byen. Me bann demon osi zot krwar e zot tranble.

1 Pyer 2:24

Kris li menm in anmenn nou pese dan son lekor lo lakrwa, pour ki nou mor pour sa ki konsern pese e viv pour lazistis. Par son bann blesir, zot in ganny geri.

1 Zan 2:1

Mon bann pti zanfan! Mon pe ekri zot sa, pour ki zot pa komet okenn pese. Me si i annan parmi zot ki komet pese, nou annan en avoka kot Bondye. Sa i Zezi-Kri, ki nou Lazistis.

1 Zan 2:26

Mon ti bezwen ekri zot lo size bann ki pe fer mannyer tronp zot.

1 Zan 2:29

Zot konnen ki Kris i zis. Alor, zot devre rekonnet ki sa enn ki pratik lazistis, i en zanfan Bondye.

1 Zan 3:18

Mon bann zanfan! Annou pa kontan zis par bann zoli parol, e zoli diskour, me montre par nou bann aksyon ki nou lanmour i vre.

1 Zan 3:3

Tou dimoun ki annan sa lesperans dan Kris i vin pir, parey Senyer li menm i pir.

1 Zan 4:17

Si lanmour i parfe dan nou, nou annan sa konfyans pour zour Zizman, akoz nou lavi isi lo later i parey lavi Zezi-Kri.