1 Zan 3:2 - Labib An Kreol Seselwa

² Mon bann zanmi! Aprezan nou zanfan Bondye, e sa ki nou pou ete plitar pa ankor ganny revele. Me nou konnen ki kan Kris pou aparet, nou pou parey li, akoz nou pou war li parey i ete.

1 Zan 3:2 ပူးပေါင်းရင်းမြစ်များ

Liv Zob 19:26

Kan mon lapo ava ganny detri, menm ekorse, mon pou kontanple Bondye.

Psonm 16:11

Ou fer mwan konn semen lavi. I annan labondans lazwa dan ou prezans. Pre avek ou, lakontantman pa zanmen fini.

Psonm 17:15

Me mwan, mon pou war ou lazistis. Kan mon pou leve, mon pou pran plezir kontanple ou.

Psonm 31:19

SENYER! Ou rezerv ou gran labonte pour sa enn ki montre respe anver ou. Ou protez bann dimoun ki met zot konfyans dan ou.

Ezai 56:5

Mon pou donn zot, dan mon tanp, dan son bann miray, en moniman e en non ki meyer ki bann garson ek fiy. Mon pou donn zot en non ki reste pour touzour, ki pa pou zanmen ganny efase.

Malasi 3:2

Me lekel ki pou kapab reziste sa zour kan i vini? Lekel ki pou reste debout kan i pou aparet? Annefe, i pou parey dife ki fonder i servi pour netway metal, parey savon ki blansisez i servi.

Matye 5:8

Byennere bann ki annan leker pir, akoz zot pou war Bondye!

Levanzil dapre Lik 17:30

I pou parey, zour ki Fis-de-Lonm pou aparet.

Levanzil dapre Lik 20:36

Zot pa kapab mor ankor, akoz zot parey bann lanz, e zot in vin bann zanfan Bondye, akoz zot in resisite.

Levanzil dapre Zan 1:12

Sepandan, tou dimoun ki ti aksepte li, ki ti krwar dan son non, zot i'n ganny pouvwar pour vin bann zanfan Bondye.

Levanzil dapre Zan 11:52

pa zis pour nasyon Zwif, me osi pour rasanble koman en sel pep, tou bann zanfan Bondye ki'n disperse.

Levanzil dapre Zan 17:24

Papa! Ou'n donn mwan zot. Mon oule ki zot osi, zot ava avek mwan kot mon ete, pour ki zot war mon mazeste ki ou'n donn mwan, akoz ou'n kontan mwan avan ki lemonn ti ganny kree.

Romen 8:16

Lespri Bondye li menm i rann temwannyaz ki nou zanfan Bondye.

Romen 8:18

Mon annan sa lasirans ki sa ki nou pe soufer konmela, pa kapab ganny konpare avek laglwar ki Bondye pou revel nou dan lavenir.

Romen 8:19

Lakreasyon antye ki Bondye in kree pe esper avek enpasyans sa moman kan Bondye pou revele lekel son bann zanfan.

Romen 8:29

Annefe, tou bann ki Bondye in swazir davans, in osi deside davans pour rann zot parey son Garson. Konmsa, son Garson i vin lene parmi en kantite frer.

1 Korentyen 13:12

Aprezan, nou war en zimaz flou ki reflekte dan en laglas; me plitar, nou pou war fas a fas. Sa ki mon konnen ozordi, i enkonplet; me plitar, mon pou konn Bondye konpletman, parey li menm i konn mwan.

1 Korentyen 15:49

Parey nou port resanblans sa zonm ki'n ganny fer avek later, nou pou port resanblans sa enn ki'n sorti dan lesyel.

1 Korentyen 2:9

Me parey Lekritir i deklare: Sa ki lizye pa'n zanmen war, sa ki zorey pa'n zanmen tande, sa ki zonm pa'n zanmen mazinen, Bondye in prepare pour sa bann ki kontan li.

2 Korentyen 3:18

Nou tou ki vwal i'n ganny tire lo nou figir, nou reflekte laglwar Senyer. Ensi, nou'n ganny transformen, pour viv parey Senyer. Nou sorti dan en laglwar pour al dan en laglwar bokou pli gran: Sa i travay Senyer ki li menm i Lespri.

2 Korentyen 4:17

Nou bann pti soufrans aktyel pe prepar pour nou en gran laglwar eternel ki napa okenn konparezon.

Galat 3:26

Annefe, par lafwa ki ini zot avek Zezi-Kri, zot tou, zot zanfan Bondye.

Galat 4:6

Laprev ki zot in vin son bann zanfan, Bondye in anvoy dan nou leker Lespri son Garson ki kriye: Aba! Papa!

Filipyen 3:21

Par sa pwisans ki met tou keksoz anba son lotorite, i pou transform nou lekor feb pour fer li vin parey son lekor glorye.

Kolosyen 3:4

Kan Kris, zot vre lavi ava aparet, alor, zot osi, zot ava aparet avek li e pran par dan tou son laglwar.

Ebre 9:28

De menm, Kris i'n ofer son lekor en sel fwa pour detri pese en kantite dimoun: I pou aparet en dezyenm fwa, pa pour detri pese, me pour sov bann ki pe esper li.

2 Pyer 1:4

Par sa laglwar ek sa bann mervey, Bondye in donn nou bann gran promes ki presye e enportan. Konmsa, kan zot ava resevwar sa bann promes, zot ava kapab sorti dan sa lemonn pouri avek tou son bann move dezir, e pran par dan son laglwar.

1 Zan 2:28

Wi! Mon bann zanfan! Reste ini avek Kris, de sort ki kan i ava aparet, nou ava ranpli avek konfyans, e nou pa pou onte devan li, ler i vini.

1 Zan 2:7

Mon bann zanmi! Pa en komannman nouvo ki mon pe ekri, me en vye komannman ki zot in resevwar depi o konmansman. Sa vye komannman i Parol ki zot in deza tande.

1 Zan 3:1

Gete! Nou Papa in telman kontan nou, ki i apel nou zanfan Bondye. An realite se sa ki nou ete. Rezon akoz lemonn pa'n konn nou, se akoz i pa'n konn Bondye.

1 Zan 3:10

La sa ki fer diferans ant zanfan Bondye ek zanfan dyab: Sa enn ki pa pratik lazistis, oubyen ki pa kontan son frer, i pa en zanfan Bondye.

1 Zan 3:21

Mon bann zanmi! Si nou leker pa kondann nou, nou annan konfyans kan nou apros devan Bondye.

1 Zan 5:1

Sa enn ki krwar ki Zezi i Kris, i en zanfan Bondye. Sa enn ki kontan en papa, i osi kontan son bann zanfan.

Revelasyon 2:28

Parey mwan osi mon'n resevwar pouvwar avek mon Papa, mon pou donn li zetwal granmaten.

Revelasyon 22:4

Zot pou war son vizaz e son non pou ganny enskri lo zot fron.