1 Zan 3:1 - Labib An Kreol Seselwa

¹ Gete! Nou Papa in telman kontan nou, ki i apel nou zanfan Bondye. An realite se sa ki nou ete. Rezon akoz lemonn pa'n konn nou, se akoz i pa'n konn Bondye.

1 Zan 3:1 ပူးပေါင်းရင်းမြစ်များ

2 Samyel 7:19

Konmsi pour ou tousala pa ase, Senyer BONDYE, ou'n osi koz lo lavenir desandans ou serviter. Eski i normal pour azir konmsa anver en et imen?

Psonm 31:19

SENYER! Ou rezerv ou gran labonte pour sa enn ki montre respe anver ou. Ou protez bann dimoun ki met zot konfyans dan ou.

Zeremi 3:19

SENYER i deklare: Mon ti'n deside plas ou parmi bann garson prefere e donn ou en zoli pei, pei ki pli zoli omonn. Mon'n oule ki zot apel mwan Papa e ava reste fidel anver mwan.

Oze 1:10

Pep Izrael pou vin koman disab lo bor lanmer, personn pa pou kapab konte. La kot zot ti dir: Ou pa mon pep! Zot pou ganny dir: Zot zanfan Bondye vivan.

Levanzil dapre Lik 20:36

Zot pa kapab mor ankor, akoz zot parey bann lanz, e zot in vin bann zanfan Bondye, akoz zot in resisite.

Levanzil dapre Zan 1:12

Sepandan, tou dimoun ki ti aksepte li, ki ti krwar dan son non, zot i'n ganny pouvwar pour vin bann zanfan Bondye.

Levanzil dapre Zan 11:52

pa zis pour nasyon Zwif, me osi pour rasanble koman en sel pep, tou bann zanfan Bondye ki'n disperse.

Levanzil dapre Zan 15:21

Me tousala pou arive avek zot akoz mwan. Annefe, zot pa konn sa enn ki'n anvoy mwan.

Levanzil dapre Zan 16:3

Zot pou fer sa akoz zot pa'n konn ni mon Papa, ni mwan.

Levanzil dapre Zan 17:25

Papa! Ou ki zis, lemonn pa'n konn ou. Me mwan, mon'n konn ou, e zot konnen ki se ou, ki'n anvoy mwan.

Levanzil dapre Zan 3:16

Annefe, Bondye in telman kontan lemonn ki i'n donn son sel Garson, pour ki nenport ki, ki krwar dan li, pa pou mor, me i ava ganny lavi eternel.

Romen 5:8

Me la koman Bondye in prouve ki i kontan nou: Kris in mor pour nou kan nou ti ankor peser.

Romen 8:19

Lakreasyon antye ki Bondye in kree pe esper avek enpasyans sa moman kan Bondye pou revele lekel son bann zanfan.

Romen 8:21

Sa kreasyon pou ganny libere en zour kont pouvwar destrikter ki pe gard li dan lesklavaz, pour li partisip dan laliberte ek laglwar bann zanfan Bondye.

Romen 8:32

I pa'n eparny son prop Garson, me i'n livre li pour nou tou. Alor, avek son Garson, i pou donn nou osi tou.

2 Korentyen 6:18

Mon pou vin en papa pour zot, e zot ava vin mon bann garson ek mon bann fiy, Senyer Toupwisan i deklare.

Galat 3:26

Annefe, par lafwa ki ini zot avek Zezi-Kri, zot tou, zot zanfan Bondye.

Galat 3:29

E si zot pour Kris, alor, zot bann desandan Abrahanm, e zeritye promes ki Bondye in fer.

Deterononm 14:1

Zot en bann zanfan ki pour SENYER, zot Bondye. Alor, si zot an dey, zot pa pou sizle zot lapo, ni raz seve devan zot latet.

Kolosyen 3:3

Annefe, zot in mor e zot lavi i kasyet avek Kris, dan Bondye.

1 Zan 3:10

La sa ki fer diferans ant zanfan Bondye ek zanfan dyab: Sa enn ki pa pratik lazistis, oubyen ki pa kontan son frer, i pa en zanfan Bondye.

1 Zan 3:2

Mon bann zanmi! Aprezan nou zanfan Bondye, e sa ki nou pou ete plitar pa ankor ganny revele. Me nou konnen ki kan Kris pou aparet, nou pou parey li, akoz nou pou war li parey i ete.

1 Zan 4:17

Si lanmour i parfe dan nou, nou annan sa konfyans pour zour Zizman, akoz nou lavi isi lo later i parey lavi Zezi-Kri.

Revelasyon 21:7

Sa enn ki ranport laviktwar pou erit tousala. Mon pou vin son Bondye e li, i pou vin mon garson.