1 Zan 2:9 - Labib An Kreol Seselwa

⁹ Si en dimoun i dir i dan lalimyer, me i deteste son frer, i ankor dan fernwanr.

1 Zan 2:9 ပူးပေါင်းရင်းမြစ်များ

2 Samyel 13:22

Absalon ti ay Amnon pour sa krim ki i'n fer avek son ser Tamar. I pa ti koz ankor ditou avek li.

Psonm 82:5

Zot pa konn nanryen e zot san konpran; zot konpletman koronpi. Napa nanryen ki zot fer ki anmenn lazistis lo later.

Levitik 19:17

Ou pa pou annan okenn laenn dan ou leker kont ou prosen; reprimann ou prosen pour ou pa responsab son pese.

Levanzil dapre Zan 9:41

Zezi ti reponn zot, “Si zot ti aveg zot pa ti pou koupab; me akoz zot dir: Nou war kler, alor zot pe reste dan zot pese.”

Akt de Zapot 1:15

Dan sa bann zour, pandan ki bann krwayan ti'n reini, apepre 120 dimoun an tou, Pyer ti debout parmi zot. I ti dir,

2 Pyer 1:9

Sa enn ki pa posed sa bann kalite i koman en aveg; son lizye in fermen. I'n oubliye ki son bann pese otrefwa in ganny pardonnen.

1 Zan 1:6

Si nou dir ki nou ini avek li, e anmenmtan nou pe viv dan fernwanr, nou pe koz manti e nou pa pe pratik laverite.

1 Zan 2:11

Sa enn ki deteste son frer, i dan fernwanr; i pe mars dan fernwanr. I pa konnen kote i pe ale, akoz fernwanr in rann li aveg.

1 Zan 2:4

Sa enn ki dir: Mon konn li. Me i pa gard son komannman, i en manter; laverite pa dan li.

1 Zan 3:10

La sa ki fer diferans ant zanfan Bondye ek zanfan dyab: Sa enn ki pa pratik lazistis, oubyen ki pa kontan son frer, i pa en zanfan Bondye.

1 Zan 4:20

Si en dimoun i dir: Mon kontan Bondye me i deteste son frer, i en manter. Annefe, si en dimoun i deteste son frer ki i war, i pa kapab kontan Bondye ki i pa war.