1 Zan 2:8 - Labib An Kreol Seselwa

⁸ Pourtan, i en nouvo komannman ki mon pe ekri pour zot, ki vre dan Kris e dan zot osi, akoz fernwanr pe disparet e vre lalimyer i deza pe briye.

1 Zan 2:8 ပူးပေါင်းရင်းမြစ်များ

Psonm 27:1

SENYER i mon lalimyer e mon sover. Lekel ki mon pou per? SENYER i mon protekter kont tou danze. Mon pa pou zanmen per.

Psonm 36:9

Ou menm sours lavi; dan ou lalimyer, nou war lalimyer.

Psonm 84:11

SENYER Bondye i nou soley e nou boukliye. I donn nou lagras ek loner. I pa refiz nanryen sa enn ki viv en lavi san repros.

Ezai 9:2

Lepep ki ti pe marse dan fernwanr in war en gran lalimyer. Bann ki ti pe viv dan en pei fernwanr, en lalimyer ti briye lo zot.

Malasi 4:2

Me pour zot ki annan respe pour Bondye, soley lazistis pou lev lo zot e son bann reyon pou anmenn gerizon. Zot pou sorti e sote parey bann zenn bef ki sorti dan park.

Matye 4:16

Lepep ki ti pe asiz dan fernwanr, in war en gran lalimyer. Pour bann ki ti pe asiz dan pei, dan fernwanr lanmor, en lalimyer in leve parmi zot!

Levanzil dapre Lik 1:79

I pou ekler tou dimoun ki reste dan fernwanr e dan lonbraz lanmor. I pou diriz nou lepa lo semen lape.

Levanzil dapre Zan 1:9

Laparol ti sa vre lalimyer. I'n vin dan lemonn pour ekler tou dimoun.

Levanzil dapre Zan 12:35

Zezi ti reponn zot, “Lalimyer i avek zot, me pour ankor en pti pe letan. Pandan ki zot annan lalimyer, kontiny zot semen pour ki fernwanr pa sirprann zot. Sa enn ki mars dan fernwanr pa konnen kote i pe ale.

Levanzil dapre Zan 12:46

Mon'n vin dan lemonn koman lalimyer, pour ki tou sa ki krwar dan mwan, pa reste dan fernwanr.

Levanzil dapre Zan 13:34

Mon donn zot en komannman nouvo: Kontan kanmarad. Zot devre kontan kanmarad parey mwan mon'n kontan zot.

Levanzil dapre Zan 8:12

Zezi ti dir zot ankor, “Mwan menm lalimyer lemonn. Sa enn ki swiv mwan pa pou mars dan fernwanr, me i pou ganny lalimyer lavi.”

Akt de Zapot 17:30

Bondye nepli tenir kont bann letan kan bann imen ti pe viv dan linyorans. Me aprezan i apel tou dimoun dan nenport ki landrwa pour sanz zot mannyer viv.

Akt de Zapot 26:18

Mon pe anvoy ou pour ouver zot lizye, pour fer zot sorti dan fernwanr e tourn ver lalimyer, kit pouvwar Satan e retourn kot Bondye; pour ki par zot lafwa dan mwan, zot ava ganny pardon zot pese e ganny en plas parmi pep Bondye.”

Romen 13:12

Lannwit in avanse, lizour pe aprose. Annou rezet bann aksyon ki ganny fer dan fernwanr e pran bann zarm ki permet konbat dan lalimyer.

2 Korentyen 8:9

Annefe, zot konn lagras nou Senyer Zezi-Kri: Ris ki i ti ete, i'n fer li pov pour zot, pour ki zot vin ris par son povrete.

Efezyen 5:8

Lontan zot ti viv dan fernwanr; me aprezan, zot in vin lalimyer ini avek Senyer. Alor, mars koman zanfan lalimyer,

2 Timote 1:10

Me aprezan, i'n manifeste sa lagras par laparisyon nou Sover, Zezi-Kri, ki'n detri pouvwar lanmor e ki par Bonn Nouvel, in revel nou lavi imortel.

1 Pyer 1:21

Par li, zot krwar dan Bondye ki'n resisit li e ki'n donn li laglwar. Konmsa, zot met zot lafwa ek zot lesperans dan Bondye.

1 Zan 3:23

La son komannman: Nou devre krwar dan non son Garson Zezi-Kri e nou devre kontan kanmarad parey Kris in ordonn nou.

1 Zan 4:11

Mon bann zanmi! Si Bondye in telman kontan nou, nou osi, nou devre kontan kanmarad.

1 Zan 4:21

La komannman ki Bondye i'n donn nou: Sa enn ki kontan Bondye i devre osi kontan son frer.