1 Zan 2:7 - Labib An Kreol Seselwa

⁷ Mon bann zanmi! Pa en komannman nouvo ki mon pe ekri, me en vye komannman ki zot in resevwar depi o konmansman. Sa vye komannman i Parol ki zot in deza tande.

1 Zan 2:7 ပူးပေါင်းရင်းမြစ်များ

Levitik 19:18

Ou pa pou vanze, ni gard rankin kont personn parmi ou pep; me ou devre kontan ou prosen parey ou menm. Mwan menm SENYER.

Levitik 19:34

Tret sa etranze ki'n vin reste kot ou koman en sitwayen parmi zot. Kontan sa etranze parey ou menm akoz ou osi, ou ti etranze dan pei Lezip: Mwan menm SENYER ou Bondye.

Matye 5:43

Zot in tande ki i'n ganny dir: Kontan ou prosen e ay ou lennmi.

Levanzil dapre Zan 13:34

Mon donn zot en komannman nouvo: Kontan kanmarad. Zot devre kontan kanmarad parey mwan mon'n kontan zot.

Akt de Zapot 17:19

Alor zot ti pran Pol, e anmenn li devan konsey Lareopaz. Zot ti demann li, “Eksplik nou ki sa nouvo lansennyman ki ou pe anonse.

Deterononm 6:5

Ou ava kontan SENYER, ou Bondye avek tou ou leker, avek ou et antye e avek tou ou lafors.

Ebre 6:9

Mon bann zanmi! Menm si nou koz konmsa, nou sir ki zot lo sa bon semen ki donn ladelivrans.

1 Zan 2:24

Kanta zot, gard byen dan zot leker sa ki zot in tande depi o konmansman. Si sa ki zot in tande depi o konmansman, i reste dan zot, zot osi, zot ava reste ini avek Garson e avek son Papa.

1 Zan 3:11

Annefe, la mesaz ki zot in tande depi o konmansman: Kontan kanmarad.

1 Zan 3:2

Mon bann zanmi! Aprezan nou zanfan Bondye, e sa ki nou pou ete plitar pa ankor ganny revele. Me nou konnen ki kan Kris pou aparet, nou pou parey li, akoz nou pou war li parey i ete.

1 Zan 3:21

Mon bann zanmi! Si nou leker pa kondann nou, nou annan konfyans kan nou apros devan Bondye.

1 Zan 3:23

La son komannman: Nou devre krwar dan non son Garson Zezi-Kri e nou devre kontan kanmarad parey Kris in ordonn nou.

1 Zan 4:1

Mon bann zanmi! Pa bezwen krwar tou sa bann ki pretann ki zot posed Lespri. Teste zot dabor pour konnen si sa lespri i sorti kot Bondye. Annefe, i annan bokou fo profet dan lemonn.

1 Zan 4:11

Mon bann zanmi! Si Bondye in telman kontan nou, nou osi, nou devre kontan kanmarad.

1 Zan 4:21

La komannman ki Bondye i'n donn nou: Sa enn ki kontan Bondye i devre osi kontan son frer.

1 Zan 4:7

Mon bann zanmi! Annou kontan kanmarad, akoz lanmour i sorti kot Bondye. Sa enn ki kontan, i zanfan Bondye e i konn Bondye.